काठमाडौं: नेपाली कांग्रेसका सभापति शेरबहादुर देउवालाई भेटेपछि एमाओवादी केन्द्रका अध्यक्ष पुष्पकमल दाहाल प्रचण्डले अचानक अस्ट्रेलिया भ्रमण स्थगित गरेका छन् ।
अस्ट्रेलिया जान अन्तिम तयारीमा रहेका प्रचण्डले बुधबार बिहान सभापति देउवालाई भेटेपछि भ्रमण नै स्थगित गरेका हुन् ।
अध्यक्ष प्रचण्ड जनप्रगतिशिल मञ्च अष्ट्रेलियाको राष्ट्रिय अधिवेशन उद्घाटनका लागि त्यहाँ जाने तयारीमा थिए ।
दुई नेताबीचको भेटमा देशको समसामयिक राजनीतिबारे छलफल भएको थियो । तर, भ्रमण नै स्थगित हुनुको कारण भने खुलाइएको छैन ।
प्रचण्डनिकट स्रोतले भने देशको वर्तमान राजनीतिक सन्दर्भ र पार्टी कामको चापलाई ध्यान दिँदै प्रचण्डले अष्ट्रेलिया भ्रमण स्थगित गरेको जनाएको छ ।
प्रतिक्रिया दिनुहोस !
५
