काठमाडौंः उपाधि दाबेदार इटालीमाथि १–० को सनसनीपूर्ण जित निकाल्दै रिपब्लिक अफ आयरल्यान्ड युरोकपको अन्तिम १६ मा पुग्न सफल भएको छ ।
खेलको निर्धारित समय सकिनुभन्दा ६ मिनेटअघि गरेको गोलले इटालीलाई पराजित गर्दै आयरल्यान्ड अन्तिम १६ मा पुग्न सफल भएको हो ।
यसअघि नै अन्तिम १६ मा पुगिसकेकाले प्रमुख खेलाडीलाई आराम दिएको इटाली पराजयका बाबजुत ६ अंकसहित समूह विजेता बनेको छ ।
आयरल्यान्डलाई प्रिक्वार्टरमा पुर्याउने क्रममा ८५ औं मिनेटमा रोबी बर्डेले निर्णायक गोल गरे । यो जितपछि आयरल्यान्डको पनि ४ अंक भएको छ । ऊ तेस्रो स्थानमा रहने उत्कृष्ट चार टीमभित्र पर्दै अन्तिम १६ मा पुगेको हो ।
यो समूहबाट बेल्जियम पनि अन्तिम १६ मा पुगिसकेको । उसले समूहको अन्तिम खेलमा स्वीडेनलाई पराजित गर्दै ६ अंक बटुलेर समूहको उपविजेता हुँदै अन्तिम १६ मा पुगेको हो ।
प्रतिक्रिया दिनुहोस !
