एजेन्सी: बेलायत युरोपियन युनियनमै रहने या नरहनेबारेमा त्यहाँका जनता बिहीबार जनमत संग्रहमा भाग लिइरहकेा छन् ।
युरोपियन युनियनमै रहने या बाहिरिने भन्ने निर्णय आज जनताले जनमत संग्रहबाट लिनेछन् । सन् २००८ देखि बेलायत युरोपियन युनियनबाट बाहिरिनुपर्ने आवाज उठ्न थालेको थियो ।
करिब आठ वर्षपछि जनताको आवाज सुन्दै सरकार जनमत संग्रहमा होमिएको हो । सन् २००८ मा ग्रेट ब्रिटेनको अर्थव्यवस्था मन्दीको चपेटामा परेको थियो । त्यही कारण देशमा तीब्रगतिमा बेरोजगारी बढ्यो ।
यही कारणले बेलायत युरोपियन युनियनबाट बाहिरिनुपर्ने आवाज उठ्न शुरु भएको थियो । यस मागलाई सन् २०१५ मा बेलायतमा भएको आमचुनावमा युनाइटेड किङ्गडम इन्डिपेन्डेन्स पार्टी (युकेआईपी) जोडदाररुपमा उठाएको थियो ।
यो दलले यदि बेलायत युरोपियन युनियनबाट बाहिरियो भने अहिले देशमा रहेका सबै किसिमका अफ्ठेरा र समस्या हाल हुने दाबी गरेको छ ।
बेलायतमै फेरि अर्को पक्षले भने यदि युरोपियन यूनियनबाट देश अलग भयो भने ठूलो झड्का लाग्ने तर्क गर्दै आएको छ ।
प्रधानमन्त्री डेभिड क्यामरन र कन्जर्भेटिभ पार्टीले पनि युरोपियन युनियनबाट बाहिरिन नहुने मान्यता राख्दै आएक छन् ।
बेलायतका नागरिकबीच पनि यो दुईपक्षीय बिचारमा मत बाझिएको छ । यसकै लागि जनमतसंग्रह गर्नु सरकारले आवश्यक ठानेको हो ।
आज भइरहेको जनमतसंग्रहमा करिब ४ करोड ६० लाख मानिसले भाग लिइरहेका छन् ।
बाहिरिँदा बेलायतलाई फाइदा
बेलायतलाई प्रत्येक वर्ष युरोपियन युनियनको बजेटका लागि ९ अर्ब डलर दिनुपर्ने छैन । बेलायतको सीमामा बिना अवरोध भइरहेको आवतजावतमा लगाम लाग्नेछ ।
फ्री भिसा नीतिका कारण बेलायतलाई भइरहेको नोक्सान पनि कम हुनेछ ।
बाहिरिँदा बेलायतलाई घाटा
युरोपियन युनियनबाट बाहिरिँदा बेलायतलाई आर्थिक वृद्धिमा १ देखि ३ प्रतिशतसम्म नोक्सान हुनेछ । बेलायतका लागि सिंगल मार्केट प्रणाली समाप्त हुनेछ ।
अन्य युरोपेली देशमा बेलायतलाई व्यापारसँग जोडिने समस्या बढ्नेछ । पुरै युरोपियन युनियनमाथि भइरहेको बेलायतको दबदबा समाप्त हुनेछ ।
के हो युरोपियन युनियन?
युरोपियन युनियन २८ वटा युरोपेली देशको साझा संगठन हो । सन् १९७५ मा ६ देश (बेल्जियम, फ्रान्स, इटाली, लक्जेमबर्ग, नेदरल्यान्ड्स) रे युरोपियन युनियनको बीउ रोपेका थिए ।
सन् २०१५ सम्मको आँकडा अनुसार युरोपियन युनियनको जनसंख्या ५० करोड भन्दा धेरै रहेको छ ।
युरोपियन युनियनमा रहेका सबै देशको एउटै मुद्रा प्रचलनमा रहेको छ । ईयुमा सामेल भएका २८ वटा देशका नागरिक ती कुनै पनि देशमा बस्न सक्नेछन् । साथै व्यापार (फ्री ट्रेड) पनि गर्ने हैसियत राख्छन् ।
प्रतिक्रिया दिनुहोस !
