नयाँ दिल्ली: तपाईंमा पनि स्मार्टफोन धेरै चलाउने लत छ भने होस गर्नुस् परिवारका अन्य सदस्त तपाईंको यो बानीका कारण दिक्क हुन सक्छन् ।
भारतको राजधानी नयाँदिल्लीको गोपाल नगरमा एक व्यक्तिले स्मार्ट फोन धेरै चलाएपछि रिसको झोंकमा आफ्नी पत्नीलाई गोली हानी हत्या गरेका छन् ।
पत्नीको ज्यानमा गोली दागेपछि ती ब्यक्ति आफूले पनि आत्महत्या गरेको दिल्ली पुलिसले जनाएको छ ।
यो घटना दक्षिण पश्चिम दिल्लीको गोपाल नगर इलाकामा शनिबार भएको हो । समाचार अनुसार जगबीर नामका ती व्यक्तिको करोल बागक्षेत्रमा ज्वेलरीको पसल थियो ।
पति पत्नीबीच फोन बढी प्रयोग गरेको विषयलाई लिएर झगडा भइरहन्थ्यो । जगबीर आफ्नी पत्नीले स्मार्टफोन नचलाएको देख्न चहान्थे तर पत्नी मान्ने पक्षमा थिइनन् ।
आफूले पटक पटक भनेको नमानेपछि रिसले उग्र भउका जगबीरले शनिवार लाइेसेन्सवाला पिस्तोलले गोली हानेर पत्नीको ज्यान लिएका हुन् ।
पत्नीलाई गोली हानेर हत्या गरेपछि उनले आफूलाई पनि गोली हानेर आत्महत्या गरेका छन् । घटनापछि छिमेकीहरुले दुबैजनालाई तत्कालै अस्पताल पुर्याएका थिए । तर, त्यहाँ चिकित्सकहरुले दुबैजनालाई मृत घोषित गरिदिए ।
यस सन्दर्भमा पुलिसले बाबा हरिदास नगर ठानामा उजुरी दर्ता गराएको छ । दुबैजनाको पोस्टमार्टम राव तुला राम अस्पतालमा गराइ शवलाई परिवारको जिम्मा लगाइएको छ ।
प्रतिक्रिया दिनुहोस !
