काठमाडौंः यहाँ सम्पन्न अल नेपाल क्योकुसिन बुदोकाई कराते च्याम्पियनसिपमा खुलातर्फ ओमराज पुन र महिलातर्फ सुस्मी श्रेष्ठ प्रथम भएका छन् ।
पुरुषतर्फ ३०, ४०, ५०, ६० किलो र खुला तौलसमूहका र महिलातर्फ ४०, ५० र खुला तौलसमूहका खेलाडी सहभागी भएको यो प्रतियोगितमा दशरथ रंगशालामा भएको थियो ।
काठमाडौं, ललिपुर, कास्की, स्याङ्गजा, कैलाली, रुकुम, कञ्चनपुर, सर्लाही र धनुषासहितका जिल्लाबाट ९२ जनामा खेलाडी सहभागी प्रतियोगितामा पुरुष ३० किलोमा इन्द्रबहादुर थापा प्रथम भएका छन् ।
प्रतियोगितका उत्कृष्ट खेलाडीमा रोचक सेट्ठी र पवित्रा चौधरी घोषित भएका संघका संस्थापक तथा प्रमुख प्रशिक्षक राजेन्द्र सुवेदीले बताए ।
त्यसैगरी ४० किलोमा राजुकुमार यादव, ५० किलोमा रितिक मागिया र ६० किलोमा गणेश अधिकारी प्रथम भएका थिए । खुल्ला तौल समुहमा ओमराज पुन प्रथम हुँदा नेपाल प्रहरीका नरेश चौधरी द्धितिय भएका छन्
महिलातर्फ ४० किलोमा एलिसा बराल र ५० किलोमा अम्विका जिसी प्रथम हुँदा खुल्ला तौल समुहमा सुस्मी श्रेष्ठ प्रथम र मञ्जु विक द्धितिय भए ।
विजेता खेलाडीहरुलाई क्योकुसिन करातेका संस्थापक जगतप्रसाद गौचनसहितका अतिथिहरुले पुरस्कार प्रदान गरेका सुवेदीले जानकारी दिए ।
प्रतिक्रिया दिनुहोस !
