काठमाडौंः युरोकप फुटबल प्रतियोगिता अन्तरगत अहिले राति भएको खेलमा ब्रिटिश नेसन वेल्सले नर्दन आयरल्यान्डलाई पराजित गर्दै अन्तिम आठ अर्थाक्वार्टर फाइनलमा पुग्न सफल भएको छ।
दुबै टीमले पहिलो हाफ गोलरहित बराबरी खेलेको प्रतिस्पर्धात्मक खेलमा वेल्सले जित्नका लागि आत्मघाती गोल उपहार पायो ।
खेलको ७५ औं मिनेटमा वेल्सका ग्यारेथ बेलले दिएको क्रस बललाई डी बक्सभित्र बचाउन गर्न खोज्दा नर्दन आयरल्यान्डका ग्यारे म्याक्युलीको खुट्टामा लाग्दै जाली चुम्न पुगेको हो ।
पहिलो पटक युरोक खेलिरहेको वेल्सका लागि आजको खेलमा कप्तान तथा रियल मड्रिडका स्ट्राइकर ग्यारेथ बेलले केही राम्रा प्रयास गरेपनि गोल गर्न सकेनन् ।
तर, उनी आफ्नो देशलाई अघि बढाउन भने सफल रहे । प्रिक्वार्टरको पहिलो खेलमा स्वीटजरल्यान्डलाई पराजित गर्दै पोल्यान्ड पनि क्वार्टर फाइनलमा पुगिसकेको छ ।
प्रतिक्रिया दिनुहोस !
