अर्घाखाँचीः नेपालका लागि भारतीय राजदुत रन्जीत रेले नेपाल र भारतको सम्बन्ध लामो समय देखिनै प्रगाढ रहेको बताएका छन् ।
उनले नेपाल र भारतका बासिन्दाहरुबीच सदियौँदेखिको सम्बन्धलाई अझ प्रगाढ बनाउन भारत सरकार लागिरहेको बताए ।
भारतीय राजदुताबासको सहयोगमा सदरमुकाम सन्धिखर्कमा रहेको जनज्योति उच्च माध्यमिक बिद्यालयमा निर्माण भएको भवनको उद्घाटन गर्दै राजदूत रेले नेपालको विकासमा भारत सरकारले सहयोग गरेको बताए ।
जनज्योति उच्च माध्यमिक विद्यालयमा भारतीय राजदुताबासको एक करोड ५१ लाखको आर्थिक सहयोगमा निर्मित नेपाल भारत मैत्री भवनको उद्घाटन गरिएको छ ।
यो उपप्रधान तथा उर्जा मन्त्री टोपबहादुर रायमाझीले अध्ययन गरेको विद्यालय हो । विज्ञान भवन निर्माणमा उल्लेख्य भूमिका खेलेको भन्दै विद्यालय निर्माण समितिका भेसबहादुर बिसी, हुमप्रसाद बन्जाडे र चुरामणि भट्टराईलाई दोसल्ला ओढाइ सम्मान गरिएको छ ।
त्यस्तै राजदुत रेले भारतीय राजदुताबासको सहयोगमा अर्घा रजस्थल माध्यमिक विद्यालय अर्घामा निर्माण भएको भवनको पनि उद्घाटन गरेका छन् । अर्घामा ४ करोड ९३ लाखको लागतमा भवन निर्माण भएको हो ।
प्रतिक्रिया दिनुहोस !
