काठमाडौं: पत्नीलाई जिउँंदै जलाएर हत्या गरेपछि फरार ललितपुरको इमाडोल बस्ने नवराज श्रेष्ठलाई प्रहरीले १७ वर्षपछि पक्राउ गरेको छ ।
श्रेष्ठले २०५६ पुस १६ गते पत्नी रिनालाई मादक पदार्थ पिएर गरी शरीरमा मट्टीतेल खन्याएर शरीरमा आगो लगाइदिएका थिए । रिनाको उपचारको क्रममा महाराजगञ्जस्थित त्रिभुवन शिक्षण अस्पतालमा अस्पतालमा मृत्यु भएको थियो ।
काठमाडौं जिल्ला अदालतले २०५८ असार सात गते श्रेष्ठलाई सफाइ दिएपनि पुनरावेदन अदालत पाटनले २०६२ कात्तिक ६ गते सर्वश्वसहित जन्म कैदको फैसला गरेको थियो ।
अदालतको फैसलापछि भागेर २०६३ मा वैदेशिक रोजगारीको सिलसिलामा मलेसिया गएर २०६६ मा फर्किएका श्रेष्ठ दोश्रो विवाह गरेर लुकीछिपी गरेर बस्दै आएका थिए ।
केन्द्रीय अनुसन्धान ब्यूरोले अदालतको फैसला कार्यान्वयन इकाईको पत्रानुसार श्रेष्ठलाई गत शुक्रबार इमाडोलबाट पक्राउ गरेको हो । ब्यूरोले काठमाडौं जिल्ला अदालतको आदेशमा कैद भुक्तानको लागि डिल्लीबजार कारागार पठाएको छ ।
प्रतिक्रिया दिनुहोस !
