काठमाडौंः हंगेरीविरुद्ध एकपक्षीय नतिजा निकाल्दै बेल्जियम युरोकप फुटबल प्रतियोगिताको क्वार्टर फाइनलमा पुग्न सफल भएको छ ।
फ्रान्समा जारी प्रतियोगिताको प्रिक्वार्टर फाइनल खेलमा बेल्जियमले हंगेरीमाथि ४–० को सहज जित निकालेको हो ।
बेल्जियमलाई जिताउने क्रममा खेलको १० मिनेटमा केभिन डे ब्रुनेको हेडर पासमा एल्ड्रेइरेल्डले पहिलो गोल गरे । हंगेरीविरुद्ध पहिलो हाफमा एक गोल गरेको बेल्जियमले दोस्रो हाफमा ३ गोल थप्यो ।
केभिन डे ब्रुने र हाजार्डले उत्कृष्ट प्रदर्शन गरेको खेलको ७८ औं मिनेटमा एडेन हाजार्डको पासमा बाट्स्युयाईले अर्को गोल थपे । त्यसपछि हाजार्डले नै ८० औं मिनेटमा गोल गर्दै अग्रता ३–० मा पुर्याए ।
बेल्जियमकालागि खेलको ९१ औं मिनेटमा नाइङ्गोलनको पासमा कार्रास्कोले गोल गर्दै ४–० को जित पक्का गरे ।
प्रतिक्रिया दिनुहोस !
