एजेन्सीः विश्व फुटबलका स्टार लियोनल मेसीले विश्व फुटबलबाट सन्यासको घोषणा गरेका छन् ।
अर्जेन्टिनाको टिमका कप्तान मेसीले सोमबार बिहान कोपा अमेरिका फुटबलको फाइनलमा चेलीसँग पराजित भए लगत्तै अन्तराष्ट्रिय फुटबलबाट सन्यासको घोषणा गरेका हुन् ।
मेसीले पेनाल्टीमा गोल गर्न चुकेपछि अन्तराष्ट्रिय फुटबलबाट सन्यासको घोषणा गरेका हुन् । सोमबार बिहान भएको कोपा अमेरिकाको फाइनलमा पेनाल्टी सुट आउटमा चिलीले अर्जेन्टिनालाई ४-२ ले पछि पार्दै लगातार दोस्रो पटक उपाधि हात पारेको हो । यस लगत्तै मेसीको यस्तो घोषणा गरेका हुन् ।
अर्जेन्टिनाका लागि राष्ट्रिय टिमबाट खेल्दा मेसीले सन् २००८ मा बेइजिङमा सम्पन्न ओलम्पिक्समा स्वर्ण पदक दिलाएका थिए । यसैलाई मेसीको सबैभन्दा ठूलो उपलब्धी मानिएको छ । सन् २०१४ को विश्वकप फुटबलको फाइनलमा अर्जेन्टिना जर्मनीसँग १०ले पराजित भएको थियो । मेसी सहभागी भएपछि तीन पटक कोपा अमेरिकाको फाइनलमा पुग्दा समेत मेसीले कहिल्यै उपाधि उचाल्न पाएनन् । अर्जेन्टिना २००७, २०१५, २०१६ मा कोपा अमेरिकाको फाइनलमा पुग्दा समेत उपाधि चुम्न असफल भएको हो ।
मेसीले भनेका छन्, ‘मेरो लागि राष्ट्रिय खेल जीवन समाप्त भएको छ । मैले जे जति गर्न सक्थेँ सबै गरे जस्तो लाग्छ ।’ २९ वर्षीय अर्जेन्टिनाका लागि ११२ खेल खेलेका छन् । मेसीले सन् २००५ मा पहिलो पटक राष्ट्रिय टिमबाट खेलेका थिए ।
प्रतिक्रिया दिनुहोस !
