डेटिङमा सेलेना र नेमार
चर्चित पपगायिका एवं हलिउड नायिका सेलेना गोमेज र ब्राजिलका फुटबल स्टार नेमार अहिले डेटिङमा रहेको प्रसंगले हलिउड तताएको छ ।
कोपा र युरो कपले विश्वलाई फुटबलमय बनाएको बेला यो जोडीको रोमान्सले संसारको ध्यान खिचेको हो । उनीहरू सम्बन्धमा रहेको चर्चा र आशंका निकै अघिदेखि गरिए पनि केही दिनअघि न्युयोर्कको एउटा नाइट क्लबमा उनीहरू रोमान्टिक मुडमा देखिएपछि धेरैले त्यो आशंका सत्य भएको तर्क गरेका छन् । नाइट क्लबबाट केही समयको अन्तरालमा उनीहरू निस्किएका थिए ।
फुटबलर नेमार सेलेनाको पूर्वप्रेमी गायक जस्टिन बाइबरको मिल्ने साथी हुन् । जस्टिन र नेमारको मित्रताका कारण पनि सेलेना र नेमारबीच विकास भएको सम्बन्ध अहिले चासोको विषय बनको छ । तर २३ वर्षीया सेलेनाले २४ वर्षीया नेमारसँगको सम्बन्धका बारेमा अहिलेसम्म केही पनि बोलेकी छैनन् ।
नेमारले सेलेनालाई पहिलादेखि ‘स्टनिङ ब्युटिफुल गर्ल’ भन्दै प्रशंसा गर्ने गर्थे । सेलेनासँग उनको अफेयरको हल्ला चले पनि जस्टिनको नजिकको साथी भएकाले उनकै प्रेमिकासँग डेट गर्न सक्दैन भन्ने एकथरीको भनाइ पनि छ । नेमार र जस्टिन एकअर्काको प्रतिभाको प्रशंसा र सम्मान गर्ने गर्छन् ।
कतिपय सञ्चारमाध्यमले समेत नेमारले आफ्नो मिल्ने साथीको चित्त दुखाउन नसक्ने उल्लेख गरेका छन् । तर सेलेना र जस्टिनको ब्रेकअप भइसकेकाले नेमार र सेलेनाको रोमान्सलाई जस्टिनसँगको मित्रताले छेक्न नसक्ने तर्क गर्ने फ्यानहरू पनि त्यत्तिकै छन् ।
हुन त अहिले पनि सेलेनाको बारेमा जस्टिनले निकै चासो राख्दै आएका छन् । उनी के गर्दैछिन्, उनको बारेमा के भइरहेको छ भन्ने विषयमा निकै ख्याल गर्ने गरेको स्रोतको भनाइ छ । जस्टिनले उनीसँग ब्रेकअप भएपछि ‘प्रपोज’ नामक एल्बम निकालेका सेलेनालाई पुनः आफूले माया गर्ने सन्देश दिन चाहेको बताइएको छ ।
कतिपय फ्यानले नेमार र सेलेनाको जोडीलाई ‘सुन्दर जोडी’ जोडीको संज्ञा दिन थालिसकेका छन् भने केहीले अफेयर चलाउनुभन्दा एकअर्काका असल साथी बनेर सम्बन्धलाई सन्तुलनमा राख्न पनि सुझाएका छन् । अहिले सेलेना गोमेज आफ्नो वल्र्ड टुरमा यस्त छिन् ।
जस्टिनसँगको ब्रेकअप पछि उनको जीवनमा निकै उतारचढाव आए पनि त्यसलाई सन्तुलनमा राखेर अगाडि बढ्न उनी सफल भएकी छन् । एजेन्सी
प्रतिक्रिया दिनुहोस !
