विश्वकै ठुलो शालिग्राम शिला डुवानमा
कुश्माः बिहीवारदेखि परेको लगातारको वर्षाका कारण विश्वकै ठुलो शालिग्राम शिला डुवानमा परेको छ ।
पर्वत, स्याङजा र गूल्मीको सिमानामा रेहको पर्वतका शालिग्राम गाविसमा रहेको विश्वकै ठुलो शालिग्राम शिला डुवानमा परेको हो । कालीगण्डकीमा पानीको सतह बढेर सामान्य अवस्थामा भन्दा माथि आइपुगेपछि शिला डुवानमा परेको हो ।
शिला डुवानमा परेसँगै उक्त क्षेत्रमा कार्यरत पुजारी तथा पण्डितहरु समेत विस्थापित बनेका छन् । प्रबित्र शालिग्राम शिला र शालिग्राम क्षेत्रका सत्तल लगाएतका संरचना डुबाएको स्थानिय प्रहरी चौकीका प्रहरी सहायक निरिक्षक चन्द्रकान्त न्यौपानेले जानकारी दिए ।
सिला संरक्षणका लागि बनाएको तटबन्ध र ग्याबीन समेत पानीले पुरिएपछि शिलामा दर्शन गर्न जाने पूर्वाधारहरु पनि पुर्ण रुपमा क्षति पुगेको उनले बताए ।
यता बानीको बहाब ह्वात्तै बढेपछि स्थानियवासी रातभर जाग्राम बसेका छन् । कतिवेला घरसम्मै आएर डुवाउनेहो भन्ने चिन्ताले रातभर जाग्राम बस्नुपरेको स्थानिय शिक्षक अशोकसिंह पाण्डेले जानकारी दिए ।
मुलुककै सबैभन्दा ठुलो कालीगण्डएकी ए जलबिद्युत आयोजनाको बाँधका कारण बाढी आउँदा पर्वत, स्याङ्गजा र गुल्मी जिल्लाको सिमानामा पर्ने सेतीबेणीबजार डुबानको खतरामा पर्ने गरेको हो । सेतीबेणीबजार डुबानको खतरा बढेपछि पर्वतमा पर्ने बजार क्षेत्र र स्याङ्गजाको पिंढीखोलामा पर्ने बजार क्षेत्रमा झण्डै डेढ सय ब्यापारी तथा सर्वसाधरणहरु त्रसित बनेका हुन् ।
विगत ६ वर्ष अघि कालीगण्डकी र सेतीखोलो उर्लेर आउँदा तीन दर्जन घरपरिवार बिस्थापित बनेका थिए । बिहीबारदेखिको वर्षा र बाढीले स्याङ्गजा तर्फको भागमा कटान शुरु गरेकाले बाढीको मात्रा बढेमा जुनसुकै बेला पनि बाढी पसेर बजार बगाउन सक्ने देखिएको छ । ६ बर्ष पहिले २०६६ असोज २१ मा बजार क्षेत्र नै डुबानमा परेको घटनाले उनीहरुमा सधैभर त्रास थप्ने गरेको स्थानिय शिक्षक पाण्डेले बताए ।
कालीगण्डकीमा पानीको सतह बढेपछि कालीगण्डकी एको बाँधका सबै ढोका खोल्न लगाइएको प्रमुख जिल्ला अधिकारी शम्भुप्रसाद मरासिनीले जानकारी दिए । उनले विश्वकै ठुलो शालिग्राम शिला डुवेको तर बजार सम्मभने आइनसकेको जानकारी दिए । उनले स्थानिय प्रहरी चौकीलाई निरगारनी बढाउन लगाईएको पानीको सतह बढेर माथि आउने वित्तिकै स्थानियलाई सुरक्षित स्थानमा लैजान निर्देशन गरिएको पनि बताए । वर्षा नरोकिएमा जुनसुकै बेला पनि खतरा बढ्ने भएकाले स्थानियवासीहरुलाई सचेत भएर बस्न आग्रह गरिएको छ ।
प्रतिक्रिया दिनुहोस !
