पिक भ्यान दुर्घटना, एक भारतीयको मृत्यु
रौतहटः पूर्वपश्चिम राजमार्ग अन्तर्गत रौतहटको चन्द्रपुर नगरपालिका ६ मा आइतबार बिहान भएको सवारी दुर्घटनामा एक जनाको मृत्यु भएको छ । दुई जना घाइते भएका छन् ।
बिहान तीन बजे काठ बोकेको टाटा पिकअप भ्यान तिब्र गतिमा भएका कारण दुर्घटना भएको प्रहरीले जनाएको छ ।
सिरहाबाट काठामाडौं जाँदै गरेको ना २ च ९९६५ नम्बरको पिकअप भ्यान दुर्घटना हुँदा भारतीय नागरिक धनन्जय साहको मृत्यु भएको हो ।
दुर्घटनामा परी चालक हेटौंडा नगरपालिकाका सुजन लामा र गाडीमा सवार बालचन्द्र घाइते भएका छन् ।
घाइतेहरुको हेटौडास्थित चुरेहिल अस्पतालमा उपचार भइरहेको डीएसपी मनोज यादवले जानकारी दिए ।
प्रतिक्रिया दिनुहोस !
