पहिरोले पुरेर आठको मृत्यु
प्युठानः पहिरोमा परी प्यूठानमा एकै परिवारका पाँच जनासहित आठ जनाको मृत्यु भएको छ । प्यूठानको रजवारा–३ मा एकै परिवारका पाँच जनाको मृत्यु भएको हो । स्थानीय दुर्गाबहादुर मल्लको घरमा पहिरो आउदा मल्लसहित उनका तीन छोरी र श्रीमतीको घटनास्थलमै मृत्यु भएको स्थानीय जोगिन्द्र मल्लले जानकारी दिए ।
४५ बर्षका मल्लकी ४० वर्षकी श्रीमती सीता मल्ल, १० वर्षकी छोरी सुशीला, ७ वर्षकी छोरी लेखा र डेढ वर्षकी छोरी सिर्जनाको पहिरोमा पुरिएर मृत्यु भएको हो ।
घटनास्थलमा उद्धारका लागि अहिले प्रमुख जिल्ला अधिकारी जनकराज पन्त नेतृत्वमा प्रहरी नायव उपरिक्षक रञ्जतसिंह राठोर सहित रेडक्रस तथा उद्धारटोली अग्लुङ पुगेको छ । रजवारा गाविसमा सडकको पहुँच नहुदाँ अग्लुङबाट झण्डै २ घण्टाभन्दा बढि हिडनु पर्ने हुन्छ । पहिरोमा परेकाहरुको शब फेला परेको प्रमुख जिल्ला अधिकारी पन्थले जानकारी दिए ।
त्यस्तै गएरातिनै घर भत्कीदा उत्तरी प्यूठानकै पुजा–३ मा एकै परिवारका तीन जनाको मृत्यु भएको छ । पुजामा उद्धारका लागि प्रहरीलाई खटाईएको जिल्ला प्रहरी कार्यालयलले जनाएको छ । तर रजवारामा ठुलो घटाना भएकाले पुजामा तत्काल प्रमुख जिल्ला अधिकारी र प्रहरी प्रमुखको टोली पुग्न नसक्ने प्रमुख जिल्ला अधिकारी पन्तले बताए । यसको बिस्तृत विवरण भने आउन बाँकी रहेको प्रहरीले जनाएको छ ।
यसैबिच प्यूठानको बरौला गाविसमा झिमरुक नदिकोबीच ७ जना कामदार फसेका छन । हरियाटारमा कुलो निर्माणका लागि कामगर्दै आएका ७ जना मजदुर नदिको विचमा फसेको तर हालसम्म उद्धार हुन नसकेको स्थानीय गोपाल थापाले जानकारी दिए । मजदुरहरुको गएरातिदेखि अहिलेसम्म उद्दार हुन सकेको छैन ।
प्रतिक्रिया दिनुहोस !
