अमेरिकाको डलासमा फायरिङ, चार प्रहरीको मृत्यु
एजेन्सीः अमेरिकाको डलासमा प्रोटेस्ट र्याली भइरहेका बेला भएको गोली प्रहारबाट चार प्रहरीको मृत्यु भएको छ । ६ जना घाइते भएका छन् । दुई हमलाकारीले १० जना प्रहरीमाथि आक्रमण गरेका थिए ।
घाइतेमध्ये एकको अवस्था गम्भीर रहेको छ । अर्का एक प्रहरीको शल्यक्रिया भएको छ । उनी खतरा मुक्त रहेको प्रहरी अधिकारीले जनाएका छन् ।
स्थानीय सञ्चारमाध्यमले प्रसारण गरेको समाचार अनुसार दुई आक्रमणकारीले आक्रमण गरेका थिए । ति मध्ये एकले प्रहरी समक्ष आत्मसमर्पण गरेका छन् ।
अर्का व्यक्तिको खोजीमा जुटेको डलास प्रहरी प्रमुख डेविड ब्राउनले बताएका छन् ।
आत्मसमर्पण गर्ने हमलाकारीका साथबाट बम विष्फोट गराउने एक डिभाइस पनि फेला परेको छ ।
डलासमा प्रहरीकै विरोधमा प्रोटेस्ट र्याली निकालिएको थियो । अघिल्लो हप्ता प्रहरीले एल्टन स्टलिंग तथा फिलाण्डो केस्टाइल नाम गरेका दुई व्यक्तिलाई गोली प्रहार गरेको थियो । गोली लागेका दुवैको मृत्यु भएको थियो ।
Update: pic.twitter.com/qBJe3q0EtN
— Dallas Police Depart (@DallasPD) 8 July 2016
प्रतिक्रिया दिनुहोस !
