ओलीविरुद्ध अविश्वासको प्रस्ताव साउन ६ गते संसद्मा
काठमाडौँ: प्रधानमन्त्री केपी शर्मा ओलीविरुद्धको अविश्वासको प्रस्ताव साउन ६ गते व्यवस्थापिका-संसदमा पेस हुने भएको छ।
साउन ६ गतेदेखि अविश्वासको प्रस्तावउपर छलफल हुने गरी सभामुख ओनसारी घर्तीले सूचना जारी गरेकी छिन्।
नेकपा (माओवादी केन्द्र) र नेपाली कांग्रेसले गत बुधबार संसद् सचिवालयमा अविश्वास प्रस्ताव पेस गरेका थिए।
अविश्वास प्रस्ताव परिपक्क हुन सात दिन लाग्ने संसदीय प्रावधान बमोजिम साउन ६ गतेदेखि यसमा छलफल गर्न लागिएको हो। छलफलपछि यसउपर मतदान हुनेछ।
अविश्वासको प्रस्तावमाथि छलफल गर्नकै निम्ति संसद् सचिवालयले साउन ६ गतेमात्र संसद बैठक बस्ने जानकारी सूचना टाँसेर गराएको छ।
कुल सदस्य संख्याको एक चौथाई सदस्यले अविश्वास ल्याउन सक्न संवैधानिक प्रावधान छ। कांग्रेस र एमालेका २ सय ५३ सांसदको हस्ताक्षरसहितको प्रस्ताव दर्ता गराएका थिए।
कांग्रेस र एमालेले सरकारको विपक्षमा मधेसी मोर्चा र साना दलसहित ३ सय १३ सांसदहरुको समर्थन जुटेको दावी गरेका छन्।
हालको ५ सय ९५ सदस्यीय संसदबाट प्रधानमन्त्री निर्वाचित हुन कम्तिमा २ सय ९८ सदस्यको समर्थन आवश्यक पर्छ। सदनमा कांग्रेसका २ सय ७ र माओवादी केन्द्रको ८२ मत छ।
प्रतिक्रिया दिनुहोस !
