ट्रकमा बस ठोक्किँदा एकको मृत्यु, १२ घाइते
कावासोती: पूर्व--पश्चिम राजमार्गअन्तर्गत नवलपरासीको मध्यविन्दु-७ चोरमारा जङ्गलमा रोकिराखेको ट्रकमा बस ठोक्किँदा एक जनाको मृत्यु भएको छ भने १२ जना घाइते भएका छन्।
काठमाडौंबाट प्युठानतर्फ जाँदै गरेको ना ५ ख ६२७४ नम्बरको बस राजमार्गमा रोकिराखेको लु १ ख ६७५१ नम्बरको ट्रकमा ठक्कर खाँदा गुल्मी खर्याङ-९ का २८ वर्षीय भेषबहादुर बुचाको मृत्यु भएको इलाका प्रहरी कार्यालय नवलपुरले जनाएको छ।
दुर्घटनामा घाइते हुने बस धनी झपिन्द्र थापा, गुल्मी ६ छफिरे-३ की ईश्वरी काप्री, प्युठानका देवेन्द्र खत्री, कमल पाण्डे, अर्जुन भट्टराई, विशाल विक, विष्णु पौडेललाई चितवन पठाइएको छ भने अन्यको डन्डो मध्यविन्दु सामुदायिक अस्पतालमा उपचार भइरहेको प्रहरीले जनाएको छ।दुर्घटनापछि अवरुद्ध सडक दुई घन्टापछि सुचारु भएको थियो। रासस
प्रतिक्रिया दिनुहोस !
