प्रधानमन्त्री ओलीको समर्थनमा माइतीघरमा प्रदर्शन
काठमाडौँः प्रधानमन्त्री केपी शर्मा ओलीको समर्थनमा आज माइतीघर मण्डलमा स्वतःस्फुर्त रुपमा प्रदर्शन गरिएको छ ।
स्वतन्त्र युवा अभियानले प्रधानमन्त्री ओलीविरुद्ध संसद्मा अविश्वासको प्रस्ताव दर्ता भएपछि प्रदर्शन कार्यक्रम आयोजना गरेको अभियानका सदस्य कुबेर अधिकारीले जानकारी दिए ।
‘प्रधानमन्त्री ओलीले राष्ट्रिय स्वाभिमान जोगाउन काम गरेकाले उहाँको समर्थनमा प्रदर्शन गरेका हौँ,’ उनले भने ।
अभियानमा समर्थन जनाउन आउनुभएका हास्यकलाकार राजाराजेन्द्र पोखरेलले प्रधानमन्त्री ओलीले देशको स्वाभिमान जोगाएकाले उनको समर्थन गरिएको बताए ।
प्रदर्शनमा प्रधानमन्त्री ओलीको समर्थनमा गीत र कविता प्रस्तुत गरिएको थियो । रासस
प्रतिक्रिया दिनुहोस !
