माओवादी र एमालेको संसदीय दलको बैठक बस्दै
काठमाडौँ: बिहीबार व्यवस्थापिका संसदमा प्रस्तुत हुने प्रधानमन्त्री केपी शर्मा ओलीविरुद्धको अविश्वासको प्रस्तावको विषयमा छलफल गर्न एमाले र नेकपा (माओवादी केन्द्र)ले संसदीय दलको बैठक बोलाएका छन् ।
बिहीबार संसदमा प्रस्तुत हुने सरकारविरुद्धको अविश्वासको प्रस्तावमाथि छलफल गर्न प्रमुख दुई दलले संसदीय दलको बैठक बोलाएका हुन् ।
एमालेले र माओवादीले बुधबार ३ बजेका लागि संसदीय दलको बैठक बोलाएका छन् । एमालेको संसदीय दलको बैठकमा व्यवस्थापिका संसदको कार्यसूचीमा आर्थिक विधेयक राख्न दबाब दिने र अविश्वासको प्रस्तावको सामना गर्ने विषयमा छलफल हुने छ ।
यता, माओवादीको बैठकमा भने प्रधानमन्त्री ओलीविरुद्धको अविश्वासको प्रस्तावको पक्षमा समर्थन जुटाउने विषयमा छलफल हुँदै छ ।
प्रतिक्रिया दिनुहोस !
