हप्ता दिनदेखि खोटाङमा उडान अवरुद्ध
साउनः एक हप्ता अगाडिदेखि लगातारको वर्षा र बाक्लो हुस्सुका कारण खोटाङको मनमायाँ राई खानीडाँडा विमानस्थलमा उडान अवरुद्ध भएको छ ।
गत असार–२९ गते नेपाल एयरलाइन्सको विमानले उडान भरेको विमानस्थलमा वर्षा र हुस्सुका कारण त्यस यता कुनै पनि उडान हुन सकेका छैनन् ।
सदरमुकाम दिक्तेल नजिक रहेको विमानस्थलमा उडान अवरुद्ध भएपछि जिल्ला अस्पताल खोटाङबाट रेफर गरिएका बिरामीलाई सबैभन्दा बढी समस्या भएको छ । विमानस्थलमा उडान नभएपछि बिरामीलाई स्ट्रेचरमा बोकेर गाडी चढाउन कष्टका साथ हलेसीसम्म पुर्याउनुपर्ने बाध्यता रहेको बिरामीका आफन्तले बताएका छन् ।
पछिल्लो समय मौसममा आएको खराबीका कारण विमानस्थलमा उडान नहुँदा आफूलाई समेत समस्या भएको विमानस्थल प्रमुख यादवसेन राईले बताए ।
‘उडान हुन्छ भनेर टिकट काटेर विमानस्थल पुग्यो, फेरि अवरुद्ध हुन्छ ।’ उनले हलेसी अन्नपूणसगँ कुरा गर्दै भने, ‘मौसमले नै साथ नदिएपछि हामीले कसलाई दोष दिने ! पटक–पटकको अवरुद्धले हामी ज्यादै अप्ठ्योरमा परेका छौँ ।’
एक हप्ता कुर्दा पनि उडान नभए पछि गाडि भेट्न एक दिन लगाएर काठमाडौँ गएको दिक्तेलका पर्शुराम आचार्यले बताए । उनले भने, एक हप्ता एयरपोर्ट धाए उडान नभए पछि एक दिनको पौदल हिडेर काठमाडौँको यात्रामा लागे ।
गत वर्ष मात्रै कालोपत्रे गरिएको खानीडाँडा विमानस्थलमा नेपाल एयरलाइन्स, तारा र गोमा एयरलाइन्सले उडान भर्दै आएको थियो । हिलाम्मे र धुलाम्मे अवस्थामा उडान हुँदै आएको खानीडाँडा विमानस्थल कालोपत्रे गरिएपछि नियमित उडान हुनेमा जिल्लावासी हर्षित बनेका थिए।