राजधानीमै स्कुल बसमा आगजनी
काठमाडौँ: बिहीबार बिहान काठमाडौँ महानगरपालिका-१५ डल्लु ताहाचलमा स्कुल बसमा आगजनी गरिएको छ।
ताहाचलस्थित महेन्द्र रत्न क्याम्पस रामघाट पुल नजिक आइडल मोडल स्कुल धोविघाट ललितपुरको बा.२ क ४६९ नम्बरको बसमा आगजनी भएको प्रहरीले जनाएको छ ।
अखिल नेपाल राष्ट्रिय विद्यार्थी केन्द्र र योङ कम्युनिस्ट फोर्स नेपाल लेखिएको पर्चासहित आएका ३ जना अपरिचित व्यक्तिले बसबाट विद्यार्थी झारी आगजनी गरेको प्रहरीको अनुसन्धानबाट खुलेको छ ।
आगजनीबाट बस आंशिक क्षति भएको छ । आगलागी प्रहरीले स्थानीय बासिन्दाको सहयोगमा नियन्त्रण गरेको थियो।
आगलागीका सम्बन्धमा थप अनुसन्धान भइरहेको प्रहरीले जनाएको छ ।