माओवादी सांसदले सोधे, के भूकम्प पनि ओलीले रोकेको हो ?
काठमाडौं : माओवादी केन्द्रका सांसद राम कार्कीले राखेको प्रश्नले सिंगो सदन एकछिन गलल हाँस्यो ।
अविश्वास प्रस्तावउपरको छलफलमा सहभागी कार्कीको प्रश्न थियो, नाकाबन्दी एमालेले खुलाएको रहेछ। एमालेका साथीहरु बडो गर्वका साथ त्यही भनिरहेका छन्। भूकम्प पनि एमालेले रोकेको होला हैन ? किनभने ओली प्रधानमन्त्री बनेपछि ठूलो भूकम्प त आएको छैन।यस्तो पनि कहीं तर्क हुन्छ ?
कार्कीले यसो भन्दा सदन हाँसोले गुन्जियो । कार्कीले भने, 'वैशाख १२ पछि ठूलो भूकम्प आएन, यो ओली सरकारले नै रोकेको भनेर तर्क आउनसक्छ ।
नाकाबन्दी खुलाएको सजाय स्वरुप अविश्वास प्रस्ताव ल्याइएको भन्दै एमाले सांसदहरुले आक्रोश पाखेपछि कार्कीले यस्तो प्रश्न राखेका हुन् । उनले भने, 'नाकाबन्दी एमालेले रोकेको पनि होइन, उसले खुलाएको पनि होइन । नाकाबन्दी हामीले खुलाएको भनेर जस लिन खोज्नु हास्यासपद हो ।'
उनले ओलीको ९ महिना उखानटुक्कामै बितेको बताउँदै भने, 'ओली प्रधानमन्त्री भएपछि हरेक दिन जनताले नयाँनयाँ उखानटुक्का सुन्न पाए, त्यही हो उपलब्धी ।'
प्रतिक्रिया दिनुहोस !
