प्रचण्डको नाम नलिई ओलीले भने, ‘ दिनैपिच्छे फाट्ने उनको मन मैलै कति सिलाए कति ?
काठमाडौँः प्रधानमन्त्री केपी शर्मा ओलीले सरकारविरुद्धको अविश्वास प्रस्ताव ल्याउने माओवादी केन्द्रका अध्यक्ष पुष्पकमल दाहाल ‘प्रचण्ड’को नाम नलिइ उनको च्यातिएको मन पटकपटक सिलाउने प्रयास गरेको बताएका छन् ।
अविश्वासको प्रस्तावमाथि उठेका प्रश्नको जवाफ दिने क्रममा प्रचण्डप्रति व्यंग्य गर्दै भने ‘मविरुद्धको अविश्वासको प्रस्ताव ल्याउनुको कारण मन फाटेको, चित्त काटिएको, कमलो मन दुःखेको, चित्त नबुझेको आदि कारण रहेछन्, ‘मैले मेरा मित्रको च्यातिएको मन अरुणा लामाको गीतमा भनेझै धेरै पल्ट सिउने कोसिस गरे ।तर सफल भइनँ।
उनले भने, मैले एकल र सामुहिक रुपमा पनि कहिले साँझ, कहिले अबेला रात, कहिले बिहान, कहिले दिन गरेर धेरै पटक मन तुन्ने काममा बिताएको छु । तर, भयो के भने आज तुनेर पठाउछु भोलिपल्ट अर्कातर्फ फाटेको छ । फेरी तुनेर पठायो भोलिपल्ट आउदा अर्कोतर्फ फाटेको छ ।’
प्रतिक्रिया दिनुहोस !
