सामाजिक सञ्जालमा रेकर्ड तोड्दै ‘पोकमनगो’
एजेन्सीः रिलीज भएको एक सातमा टुइटरका दैनिक प्रयोकर्ताको संख्यालाई उछिनेको ‘पोकमेनगो’ले अहिले मोवाइल गेमको दुनियाँमा तहल्का मच्चाएको छ ।
अमेरिकामा मात्र एक सातको अवधिमा ९ लाख ५० हजार मानिसले यो गेम खेल्ने गरेको रिपोर्ट ‘रिकोर्ड’ ले सार्वजानिक गरेको छ। यो गेम खेल्ने क्रममा प्रयोगकर्ता हराएको समेत समाचार सार्वजनिक भएको छ ।
अमेरिकाको स्थापित कम्पनी ‘नियान्टिक’ले निमार्ण गरेको यो गेमले आइफोनको एप डाउनलोडमा समेत नयाँ रेकर्ड राखेको छ । रिलीज भएको एक सातमा यसको डाउनलोड आइफोन अन्य एप भन्दा धेरै भएको छ ।
रिलीज भएको पहिलो हप्तामा टुइटरका दैनिक प्रयोगकर्ताको संख्यालाई उछिनेको छ । साथै प्रयोगकर्ताले एपमा बिताउने समयको आधारमा समेत यसले टुइटर र ह्वाट्एपलाई पछि पारेको छ ।
सुरुमा बेलायत, अमेरिका, नेदरल्यान्ड्स, युरोपका केही मुलुकमा रिलिज भएको ‘पोकमनगो’ अहिले विश्वव्यापी हुँदै गएको छ । दुईदिन अघिमात्र जापानमा यसको रिलीज गरिएको छ ।
नेपालमा आधिकारिक रिलीज नभए पनि डाउनलोड गरेर गेम खेल्ने प्रयोगकर्ता बढ्दै गएका छन् । सामाजिक संजालमा ‘मैले पोकमनगो डाउनलोड त गरे तर खेल्ने कसरी बुझ्न सकिन’ भन्ने धेरै भेटिन्छन् ।
नेपाल जस्तो रिलीज नभएको देशमा भने यो गेम खेल्न मजा आउने छैन । किनभने स्थानीय लोकेसनमा आधारित भएर यो गेम डिजाइन भएकाले वास्तविक लोकेसनको आधारमा पोकमनगो स्टार र टार्गेट भेटिन्न ।
यो वास्तविकतामा आधारित गेम हो । यो गेम एउटा साधारण मोबाइल गेममात्र नभएर यसले प्रयोगकर्तालाई वास्तविक दुनियाँसँग जोड्ने छ ।
प्रयोगकर्ताले प्रयोग गरेको स्मार्टफोनको लोकेसनको आधारमा क्यामरा मार्फत् यसले प्रयोगकर्तालाई वास्तविक दुनियाँसँग भेट गराइदिनेछ । गेममा प्रयोकतालाई टार्गेट दिइएको हुनेछ । टार्गेट पार गर्नको लागि प्रयोकर्ताले केही दुरी हिड्नुनै पर्ने हुन्छ । किनभने यसमा प्रयोगकर्ताले वास्तविक लोकेसनमा गएर अन्डाहरु कलेक्ट गर्नुपर्ने हुन्छ ।
यसले लोकेसनमा रहेका सार्वजनिक स्थानलाई पोकमनगो स्टोरको रुपमा राखेको छ । प्रयोगकर्ताले उक्त पोकमनगो स्टोरमा गएर अन्डा कलेक्ट गरि आफ्नो टार्गेट पुरा गर्नु पर्नेछ ।
प्रतिक्रिया दिनुहोस !
