सरकारको डिजाइन तयार गर्न पेरिसडाँडामा प्रचण्डसहितको विशेष बैठक
काठमाडौं : सरकार संचालनको योजना र रणनीति गर्न नेकपा माओवादी केन्द्रको सचिवालय बैठक बिहीबार बिहानदेखि पेरिसडाँडामा बैठक बसेको छ ।
अध्यक्ष पुष्पकमल दाहाल (प्रचण्ड) को अध्यक्षतामा बसेको बैठकमा पार्टीका पदाधिकारी तथा सचिवालय सदस्यहरु सहभागी छन् । सरकारमा जाँदा अपनाउनुपर्ने रणनीति, कांग्रेससँगको सहकार्यका सिमा र संभावनासँग अपनाउनुपर्ने सतर्कता, एमालेसँगको बढ्दो दुरी र विगतको सहकार्यको समीक्षा र सरकार संचालनमा आउनसक्ने संभावित चुनौतीबारे छलफल भइरहेको छ ।
पार्टी प्रवक्ता पम्फा भुसालले माओवादीको नेतृत्वमा बन्ने सरकारलाई प्रभावकारी बनाउने र संविधानको कार्यान्वयनलाई सहमतिका साथ अघि बढाउने विषयमा छलफल केन्द्रित हुने बताइन् ।
बैठकमा पहिलो संविधानसभाको निर्वाचनपछि बनेको सरकारको जस्तो अवस्था नआवोस् भन्नेतर्फ नेतृत्वलाई सचेत गराइरहेका छन् । प्रचण्ड स्वयमले पनि विगतका घट्नाक्रमबाट आफूले पाठ सिकेको बताउँदै अब त्यस्तो स्थिति नदोहोरिने बताउँदै आएका छन्।
प्रतिक्रिया दिनुहोस !
