धनकुटा दुर्घटनामा माओवादी नेता एवम् पूर्वमन्त्री खेवाको मृत्यु
धनकुटाः धनकुटाको परेवादिन गाविस सिदुवा बजार नजिकै बस दुर्घटना हुँदा माओवादी केन्द्रका युवा नेता एवम् पूर्वअर्थ राज्यमन्त्री हरिराज खेवासहित सात जनाको मृत्यु भएको हो । दुर्घटनामा ४० जना घाइते भएका छन् ।
संखुवासभाबाट धरानका लागि गुडेको बा २ ख ७३६६ नम्बरको बस परेवादिन गाविसको सिदुवा ५मा दुर्घटनाग्रस्त हुँदा पूर्वराज्यमन्त्री खेवासहित सात जनाको मृत्यु भएको जिल्ला ट्राफिक कार्यालय धनकुटाका प्रमुख सुरेन्द्र खड्काले जानकारी दिए ।
डाँफे मुनाल यातायातको बस दुर्घटनाका घाइतेलाई उपचारका लागि धरानस्थित घोपा केम्पमा पठाइएको सिदुवाका प्रहरी हबल्दार दिन्दीलाल चौधरीले जानकारी दिए । चाैधरीका अनुसार अन्य मृतकको सनाखत हुन सकेको छैन् ।
घटनाको पूर्ण विवरण आउन बाँकी छ ।
प्रतिक्रिया दिनुहोस !
