ग्राहकको रोजाइमा ओबी वर्ल्डफोन
काठमाडौंः प्रविधि र बनावटको उत्कृष्ट नमुना ओबी वल्र्डफोन नेपाली बजारमा आएको केही समयमा नै ग्राहकको रोजाइमा पर्न सफल बनेको छ । अमेरिकी ह्यान्डसेट निर्माता ओबी वर्ल्डफोन ज्योति गु्रपअन्तर्गतको स्टार्क टेडिङसँगको साझेदारीमा नेपाली बजारमा एक महिनाअघि भित्रिएको हो ।
छोटो समयमै यसप्रतिको आकर्षण बढ्दै गएको स्टार्क ट्रेडिङ प्रालिका मोबाइल डिभिजन म्यानेजर कुमारप्रसाद घिमिरेले बताए । उनका अनुसार ओबी वल्र्डफोन प्रविधि र बनावटको आधारमा उत्कृष्ट नमुना हो ।
‘स्मार्टफोनमा प्रयोग गरिएको फ्लोटिङ स्क्रिन यसको आकर्षक पक्ष हो’, घिमिरेले भने, ‘यो फोन बनावट र प्रविधिलाई प्राथमिकता दिन ग्राहकलाई लक्षित गरी कम्पनीले बजारमा ल्याएको हो ।'
एप्पल कम्पनीका पूर्व सीईओ जोन स्कलेले विकसित राष्ट्रमा किफायती मूल्यमा प्रविधि र बनावटका हिसाबले उत्कृष्ट स्मार्ट फोन पुर्याउने लक्ष्यका साथ निर्माण गरेको यो फोनले अमेरिका, दुबईलगायतका स्थानमा राम्रो बजार लिइसकेको छ । मिड सेग्मेन्टको फोनका रूपमा बजारमा आएको ओबी वल्र्डफोन युवालाई लक्षित गरी ल्याइएको घिमिरेले बताए ।
उनका अनुसार कम्पनीले १५ देखि ३५ वर्षसम्मका ग्राहकलाई प्राथामिकता दिएको छ । अहिले नेपाली बजारमा कम्पनीले ‘एसएफ' र ‘एसजे' गरी दुई सिरिजमा तीनवटा मोडलका स्मार्ट फोन बिक्री गरिरहेको छ, जसमा एसएफ १ र एसजे १.५ रहेका छन् ।
एसएफ १ मा १६ जीबी रोम र २ जीबी र्याम तथा ३२ जीबी रोम र २ जीबी र्याम गरी दुई मोडल उपलब्ध छन् । एन्ड्रोइड ललिपप ५.०.२ अपरेटिङ सिस्टम रहेको यो फोनमा १.५ जीएचजेडको ८-कोर क्वालकम प्रोसेसर छ जसले प्रयोगकर्तालाई स्मार्टफोन प्रयोगको नयाँ अनुभव प्रदान गर्नुका साथै एकैपटकमा धेरैवटा एप्ससँग घुलमिल हुने अवसर प्रदान गर्नेछ । कम्पनीका अनुसार यस फोनमा ५ इन्चको कर्निङ गोरिल्ला ग्लास ४ को डिस्प्ले छ जसले फोनलाई आकर्षक र अन्य फोनको तुलनामा फरक तुल्याएको छ ।
प्रयोगका लागि सरल र सहज यो फोनमा १३ मेगापिक्सेलको मुख्य क्यामरा छ जसले फोटो खिच्न रुचाउने युवालाई बढी प्रभावकारी हुने देखिन्छ । एसएफ १ मा फ्रन्ट फ्लाससहितको ५ मेगापिक्सेलको सेल्फी क्यामरा छ । कम्पनीका अनुसार फोनमा सोनीका क्यामरा लेन्स प्रयोग गरिएको छ, जसले रियल तस्बिर प्रदान गर्नेछ । यसमा प्रयोग गरिएको क्यामराले कम लाइटमा पनि उत्कृष्ट तस्बिर खिच्नेछ ।
दुई जीबी र्याम र १६ जीबी रोम तथा तीन जीबी र्याम र ३२ जीबी रोममा उपलब्ध एसएफ १ मा तीन हजार एमएएचको झिक्न नमिल्ने ब्याट्री प्रयोग गरिएको छ, जसले फोनलाई लामो समयसम्म टिक्न मद्दत गर्ने कम्पनीले जनाएको छ । यसमा ‘डल्वी अडियो ७.१’ अडियो सिस्टम प्रयोग गरिएको छ, जसले गीत सुन्दा अथवा फिल्म हेर्दा प्रयोगकर्ताले छुटै आनन्द प्राप्त गर्नेछन् । फोर जी सपोर्टका साथ दुई मोडलमा उपलब्ध एसएफ १ फोनको बजार मूल्य क्रमशः २१ हजार चार सय ९९ र २६ हजार एक सय ९९ रुपैयाँ रहेको छ ।
त्यस्तै एसजे १.५ मूल्यको आधारमा अन्य मोडलको तुलनामा सस्तो छ तर यो फोनमा प्रविधि र बनावटका आधारमा भने कुनै कमी नरहेको घिमिरेले बताए । उनका अनुसार यो फोन बजारमा १४ हजार ७ सय ९९ रुपैयाँमा उपलब्ध छ ।
एन्ड्रोइड ललिपप ५.०.२ अपरेटिङ सिस्टम रहेको यस फोनमा कर्निङ ग्लास ३ भएको ५ इन्चको डिस्प्ले छ । आकर्षक बनावट रहेको यस फोनमा १.३ जीएचजेडको क्वाडकोर प्रोसेसर छ जसले फोनलाई बिनाअवरोध चल्न मद्दत गर्नेछ । ८ मेगापिक्सेलको मुख्य क्यामरा र ५ मेगापिक्सेलको सेल्फी क्यामरा रहेको यो फोन एक जीबी र्याम र १६ जीबी इन्टरनल मेमोरीका साथ बजारमा उपलब्ध छ जसलाई एसडी कार्डमार्फत ३२ जीबीसम्म बढाउन मिल्ने कम्पनीले जनाएको छ ।
नेपाली बजारमा ओबी वल्र्डफोनका ‘एसएफ' र ‘एसजे' सिरिजअन्तर्गत तीनवटा मोडलका स्मार्ट फोन उपलब्ध छन् ।
ओबीका फोन नेपाली बजारमा ग्राहकले यसको आकर्षक बनावटका आधारमा किन्ने गरेको घिमिरेले बताए । उनका अनुसार एउटा रेन्ज सेग्मेन्टमा मात्र फोन भएकाले अहिलै बजारमा सबैको हातहातमा पुग्न गाह्रो हुने बताए । उनका अनुसार त्यसका लागि हजार रुपैयाँदेखिको फोनको आवश्यकता पर्नेछ । कम्पनीको पहिलो प्राथमिकता भनेको गुणस्तरीय उत्पादन रहेको छ ।
त्यसैले प्रिमियम ब्रान्डको फोन खोज्ने ग्राहकले यो फोन किन्नेछन् । घिमिरेका अनुसार यो प्राइज सेग्मेन्टमा बजारमा यो फोनको प्रतिस्पर्धीका रूपमा सामसुङ र हुवावेमात्र रहेका छन् ।
कम्पनीले आगामी दिनमा नेपाली बजारलाई लक्षित गरी कम मूल्यका स्मार्ट फोन ल्याउने जनाएको छ । कम्पनीले अहिले देशभरका २२ वटा सर्भिस सेन्टरबाट ग्राहकलाई सेवा प्रदान गर्दै आएको छ ।
प्रतिक्रिया दिनुहोस !
