काबुल आक्रमणमा चारको मृत्यु
काबुलः अफगानिस्तानको राजधानी काबुलमा विदेशीलक्षित एक पाहुनाघरमा गत राति रातभर भएको आक्रमणमा एकको सुरक्षा अधिकारीको मृत्यु भएको छ । तालिवान आतंककारीले जिम्मा लिएको यस आक्रमणमा चार प्रहरी अधिकारी घाइते भएका छन् ।
तालिवान विद्रोहीले एक विज्ञप्ति प्रकाशित गरी यस आक्रमणको जिम्मा लिएका छन् । स्थानीय समयअनुसार सोमबार बिहान ०१ः३० बजे होटेलको उत्तर प्रवेशद्वारबाट विस्फोट पदार्थले भरिएको ट्रक प्रवेश गराउन खोजेका थिए ।
सशस्त्र तीनजना भने द्वारबाट प्रवेश गरी गोली प्रहार सुरु गरेका बताइएको छ । काबुलका प्रहरी प्रमुख अब्दुल रहमान रहिमका अनुसार यस आक्रमणमा परी तीनजना लडाकु मारिएका छन् ।
यस आक्रमणबाट होटेल भवनमा कुनै क्षति नभएको पनि उनले जानकारी दिएका छन् । आक्रमणपछि काबुलमा विद्ययुत् आपूर्ति बन्द भएको थियो । तालिवान विद्रोहीले विदेशी पाहुनाघर लक्षित गरी बारम्बार आक्रमण गर्दै आएका छन ।
प्रतिक्रिया दिनुहोस !
