रोनाल्डोको ‘रोमान्स' चर्चा

म्याड्रिडः आफ्नी आमाले चित्त नबुझाएपछि पोर्चुगिज फुटबलर क्रिस्टियानो रोनाल्डोले गत वर्षको सुरुमै लामो समयदेखि प्रेमसम्बन्धमा रहेकी प्रेमिका इरिना स्याकस“ग छुट्टिएको घोषणा गरेका थिए ।

रोनाल्डो इरिनासँगको झन्डै पाँच वर्ष लामो प्रेमसम्बन्ध तोडेर सन् २०१४ को फिफा वर्ष खेलाडीको पुरस्कार थाप्न एक्लै स्विट्जरल्यान्डको जुरिच पुगेका थिए । रोनाल्डो त्यसयता एक्लै रम्दै आएका छन् । इरिनासँग सम्बन्ध तोडेपछि उनको नाम कसैसँग जोडिएको छैन ।

तर उनी बार र सामुद्रिक तटहरूमा भने विभिन्न महिलासँग ‘रोमान्स गरिरहेको समाचार र तस्बिर भने सार्वजनिक भइनै रहेका छन् ।  गत महिना फ्रान्समा सम्पन्न युरो कप फुटबलमा पोर्चुगललाई आफ्नै कप्तानीमा उपाधि दिलाएपछि लामै बिदामा रहेका रोनाल्डो हालै स्पेनको बारमा एक महिलासँग रमाइलो गरिरहेको तस्बिर सार्वजनिक भएको छ ।

रोनाल्डोले स्पेनको इबिजास्थित पाचा रात्रि क्लबको भीआईपी कोठामा ती महिलास“गै बसेर रमाइलो गरेको तस्बिर सार्वजनिक भएको छ । रोनाल्डोले एक साँझ र रात पूरै त्यही रात्रि क्लबमा ती महिलास“ग बिताएको स्पेनी सञ्चारमाध्यमले जनाएका छन् । यद्यपि ती महिलाबारे भने केही खुलाइएको छैन । स्पेनिस मिडियाले ती महिला रोनाल्डोको प्रेमिका भए नभएको पनि ठोकुवा गरेका छैनन् ।

उनी बार र सामुद्रिक तटहरुम विभिन्न महिलासँग ‘रोमान्स’ गरिरहेको समाचार र तस्बिर सार्वजनिक भई नै रहेका छन् । 

रोनाल्डो इरिनासँगको सम्बन्ध टुटेपछि प्रायः महिलासँग छोटो समयको सम्बन्धमै खुसी देखिँदै आएका छन् । गत महिना पनि रोनाल्डो दक्षिण युरोपस्थित मेडिटेरियन सामुद्रिक तटमा कोलम्बियन मोडल पाउला सुआरेजसँग रमाइलो गरिरहेको देखिएका थिए । रोनाल्डोले सुआरेजस“ग सामुद्रिक तटमै ढुंगामाथि पार्टी गरेका थिए । यद्यपि उनीहरूबीचको त्यो सम्बन्ध एक दिनको मात्रै भएको सार्वजनिक भएको थियो ।

स्पेनिस क्लब रियल म्याड्रिककी समर्थक रहेकी सुआरेज आफैंले रोनाल्डोले आफूलाई एक दिनका लागि बोलाएको बताएकी थिइन् ।
रोनाल्डो त्यसअघि गत क्रिस्टमस पर्वका बेला अर्की कोलम्बियन मोडल नाटाली रिन्कोनसँग थिए । उनीहरूले अमेरिकाको मियामीमा नया“ वर्ष र क्रिसटमस पर्वसँगै मनाएका थिए ।

त्यसपछि उनीहरू एकसाथ देखिएका छैनन् । सरोगेट मदर (भाडाको आमा) बाट एक छोरासमेत जन्माइसकेका रोनाल्डो हालसम्म अविवाहित छन् ।