रोमासँग हार्यो लिभरपुुल
न्युयोर्कः प्रिसिजन मैत्रीपूर्ण क्लब फुटबल प्रतियोगिता इन्टरनेसनल च्याम्पियन्स कपको आफ्नो अन्तिम खेलमा इङ्लिस क्लब लिभरपुल इटालियन सिरिए प्रतिद्वन्द्वी एएस रोमासँग २–१ गोलले पराजित भएको छ । क्यालिफोर्नियामा भएको खेलमा रोमाका इडेन डेको र मोहम्मद सलाहले एकएक गोल गरे । लिभरपुलका सेई ओजोले खेल बराबरीमा ल्याए पनि रोमाले पुनः अग्रता लिएको थियो ।
खेलमा सलाहले निर्णायक गोल गरेका हुन् । पहिलो रोजाइका खेलाडीसहित उत्रिएको लिभरपुलले खेलमा प्रभाव देखाउन सकेन । म्यानचेस्टर सिटीका पूर्वखेलाडी डेकोले २९ औं मिनेटमा रोमालाई अग्रता दिलाएका थिए । त्यसअघि नै उनी दुईवटा राम्रा अवसरमा गोल गर्नबाट चुकेका थिए । ओजोले पहिलो हाफको इन्जुरी समयमा गोल गर्दै इङ्लिस क्लबलाई बराबरीमा ल्याइपुर्याएका थिए ।
जेम्स मिल्नरले गरेको कर्नर प्रहारमा ओजोले हेडमार्फत गोल गरेका थिए । तर सलाहले ६२ औं मिनेटमा गोल गरेपछि रोमाले पुनः अग्रता लिएको हो । डेकोले गरेको प्रहारलाई लिभरपुलका गोलरक्षक सिमोन मिग्नोलेटले रोके पनि सलाहले रिबाउन्डमा गोल गरे ।
च्याम्पियन्स कपमा लिभरपुलले दोस्रो हार व्यहोरेको हो । अब उसले मैत्रीपूर्ण खेलमा आगामी शनिबार इङ्ल्यान्डको राष्ट्रिय रंगशाला वेम्बलीमा स्पेनिस लिग च्याम्पियन बार्सिलोनाको सामना गर्नेछ ।
हारपछि लिभरपुलका प्रशिक्षक योर्गेन क्लोपले आफ्ना खेलाडी थाकेर खेल्न नसकेको बताए । उनले टोलीमा खेलाडीको अनुशासनलाई लिएर पनि चिन्ता व्यक्त गरे । प्रिसिजन भिडन्तमा लिभरपुल यसअघि चेल्सीसँग १-० गोलले पराजित भएको थियो । अमेरिकामा भएको च्याम्पियन्स कपमा इङ्लिस क्लब चेल्सी र लेसिस्टर सिटीका लागि पनि सुखद रहन सकेन ।
लिभरपुललाई हराएको चेल्सी रियल म्याड्रिडसँग ३-२ गोलले पराजित भएको थियो । यसैगरी पहिलो खेलमा सेल्टिकसँग १-१ गोलको बराबरी खेलेको लेसिस्टर फ्रान्सको पेरिस सेन्ट जर्मन (पीएसजी) सँग ४-० गोलले हारेको थियो ।
लेसिस्टरले अबको भिडन्तमा बार्सिलोनाको सामना गर्नेछ । गत सिजन क्लबसँग आबद्ध भएपछि क्लोपले कमजोर प्रदर्शन गरिरहेको लिभरपुललाई माथि ल्याए पनि उपाधि होडमा भने राख्न असफल भएका थिए ।
जर्मन क्लब बोरुसिया डर्टमुन्डमा यसअघि काम गरेका क्लोपबाट लिभरपुलले टोलीको पुनरागमनको अपेक्षा गरेको छ । लिभरपुल गत सिजन घरेलु लिगमा आठौं स्थानमा रहेको थियो । गत सिजन घरेलु लिगमा तेस्रो स्थान हात पारेको एएस रोमा युरोपियन च्याम्पियन्स लिग प्ले अफको तयारीमा छ । इटालीको अर्को सिरिए क्लब नापोलीले पनि सोमबार राति भएको मैत्रीपूर्ण खेल जित्यो ।
नापोलीले फ्रान्सको निसलाई ३-० गोलले हरायो । नापोलीको जितमा कालिडोउ कोलिबेलीले दुई र ड्रायस मार्टेन्सले एक गोल गरे । कोलिबेलीले नवौं र २८ औं मिनेटमा गोल गरेका थिए । मार्टेन्सले २४ औं मिनेटमा टोलीको अग्रता दोब्बर बनाएका थिए । नापोली गत सिजन घरेलु लिगमा उपविजेता बनेको थियो ।
लेसिस्टरले अबको भिडन्तमा बार्सिलोनाको सामना गर्नेछ । गत सिजन क्लबसँग आबद्ध भएपछि क्लोपले कमजोर प्रदर्शन गरिरहेको लिभरपुललाई माथि ल्याए पनि उपाधि होडमा भने राख्न असफल भएका थिए ।
जर्मन क्लब बोरुसिया डर्टमुन्डमा यसअघि काम गरेका क्लोपबाट लिभरपुलले टोलीको पुनरागमनको अपेक्षा गरेको छ । लिभरपुल गत सिजन घरेलु लिगमा आठौं स्थानमा रहेको थियो । गत सिजन घरेलु लिगमा तेस्रो स्थान हात पारेको एएस रोमा युरोपियन च्याम्पियन्स लिग प्ले अफको तयारीमा छ । इटालीको अर्को सिरिए क्लब नापोलीले पनि सोमबार राति भएको मैत्रीपूर्ण खेल जित्यो ।
नापोलीले फ्रान्सको निसलाई ३-० गोलले हरायो । नापोलीको जितमा कालिडोउ कोलिबेलीले दुई र ड्रायस मार्टेन्सले एक गोल गरे । कोलिबेलीले नवौं र २८ औं मिनेटमा गोल गरेका थिए । मार्टेन्सले २४ औं मिनेटमा टोलीको अग्रता दोब्बर बनाएका थिए । नापोली गत सिजन घरेलु लिगमा उपविजेता बनेको थियो ।
प्रतिक्रिया दिनुहोस !
