बिहीबार बिहानै भारतीय राजदूत प्रचण्ड निवासमा
काठमाडौँः नवनिर्वाचित प्रधानमन्त्री पुष्पकमल दाहाल ‘प्रचण्ड’लाई निवासमै पुगेर भारतीय राजदूत रञ्जीत रेले बधाई तथा कार्यकाल सफलताको शुभकामना दिएका छन् ।
भारतीय प्रधानमन्त्री नरेन्द्र मोदीले बुधबार नै टेलिफोन गरेर बधाई दिएपनि राजदूत रे बिहिबार मात्र प्रचण्ड निवास पुगेका हुन् ।
चिनियाँ राजदूत ऊ चुन्ताइले भने बुधबार नै प्रचण्ड निवासमा पुगेर बधाई तथा कार्यकालको सफलताको शुभकामना दिएका छन् ।
बधाई दिन लाजिम्पाट पुगेका राजदूत रेलाई बधाई दिएकोमा प्रचण्डले धन्यवाद दिए । नवनिर्वाचित प्रधानमन्त्री प्रचण्डलाई कुटनीतिक नियोग, नेता, कार्यकर्ता र शुभेच्छुकले बधाई दिने क्रम जारी रहेको प्रचण्डको निजी सचिवालयले जनाएको छ ।
प्रतिक्रिया दिनुहोस !
