अर्जुननरसिंह केसी मन्त्री पदको सपथ लिन किन गएनन् ?
काठमाडौँः कांग्रेसको छलफलमा मन्त्री बन्न तयार भएका नेता अर्जुननरसिंह केसी अन्तिम समयमा मन्त्रीपदको सपथ समारोहमा उपस्थित भएनन् ।
कांग्रेस सभापति शेरबहादुर देउवाले उपप्रधान तथा गृहमन्त्रीको जिम्मेवारी बिमलेन्द्र निधिलाई दिएपछि अन्तिम समयमा असन्तुष्टि व्यक्त गर्दै केसी पद तथा गोपनियताको सपथ समारोहमा नगएका हुन् ।
देउवाले रक्षा वा स्वास्थ्य मध्ये एक मन्त्रालय रोज्न आग्रह गरे पनि केसीले उपप्रधान तथा गृह नपाएसम्म सरकारमा नजाने अडान लिएको उनका सहयोगीले बताए ।
केसीले प्रचण्ड नेतृत्वको सरकारमा जानका लागि पार्टीभित्र आफूले नेतृत्व गर्न पाउनुपर्ने अडान लिँदै आएका थिए । बिहीबार बिहान भने मन्त्री बन्न मात्र पनि तयार भएका केसी अन्तिम समयमा गृह नपाए नजाने भन्दै सपथ समारोहमा उपस्थित भएनन् ।
प्रतिक्रिया दिनुहोस !
