प्रधानमन्त्री प्रचण्डलाई अमेरिकाको बधाई
काठमाडौँः संयुक्त राज्य अमेरिकाले नेपालको प्रधानमन्त्रीमा निर्वाचित भएकोमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई बधाई दिएको छ ।
यहाँस्थित अमेरिकी राजदूतावासले बिहीबार विज्ञप्ति प्रकाशन गरी हालैका दिनमा शान्तिपूर्ण प्रक्रियाबाट सरकार परिवर्तन भएबाट नेपालको लोकतन्त्रप्रतिको प्रतिबद्धता पुष्टि भएको जनाएको छ।
दूतावासको विज्ञप्तिमा भनिएको छ, ‘संविधान कार्यान्वयन, पुनःनिर्माण र आर्थिक विकासका महत्वपूर्ण कार्य सम्पन्न गर्नका लागि अझ लोकतान्त्रिक, समृद्ध र स्थिर राष्ट्र निर्माणमा संयुक्त राज्य अमेरिका नेपाली जनता र नेपाल सरकारसँग साझेदारी गर्न चाहन्छ ।’ रासस
प्रतिक्रिया दिनुहोस !
