नेपालीमूलका प्रबलको डिजाइन मन पराउँछिन हिलारी
अमेरिकाको राष्ट्रपतीय चुनावी अभियानको क्रममा रहेकी हिलारी क्लिन्टन फेसन कन्सियसको रूपमा पनि चर्चित छिन् । उनी अहिले संसारभरका मानिसको चासोको विषय बनेकी छिन् ।
संसार प्रसिद्ध ६८ वर्षे क्लिन्टनले लगाउने पोसाकमध्ये नेपालीमूलका प्रबल गुरुङले गरेको उनको रोजाइमा परेको छ । गुरुङ पनि हिलारीको ठूलो फ्यानको रूपमा प्रस्तुत भएका छन् । गुरुङले व्यक्तिगत रूपमा हिलारीलाई नै समर्थन गरेका छन् । हिलारीलाई मन पराउनुको कारण उनले यस्तो भन्छन्ः हिलारीको लचिलो धारणा, उनले उठाएको महिला–पुरुषको समान आम्दानी, तेस्रोलिंगीको समान अधिकारलगायतका विषय र स्ट्रेटफरवार्ड बानी ।
विशेषगरी चुनावी अभियानमा हिलारीले लगाएका पहिरनको चर्चा हुँदै आएको छ । फेसनसेन्स अब्बल भएकी हिलारी पब्लिक फिगरको रूपमा सफल बन्न लुगामा पनि ध्यान दिनुपर्ने धारणा राख्छिन् । भन्छिन्, 'हामीले फेसन र सुन्दरतालाई उत्तिकै ध्यान दिनुपर्छ । समग्रमा सबैतर्फ ख्याल गर्नुपर्छ । कुनै पनि आलोचनालाई व्यक्तिगत रूपमा लिनु हुँदैन । हरेस खानु हुँदैन, कोसिस जारी राख्नुपर्छ । विशेषगरी महिलाको आलोचना धेरै गरिन्छ । अनेक लाञ्छना लगाइन्छ । पुरुषको पोसाकलाई लिएर कमै आलोचना हुन्छ । तर महिलाको पोसाकको भनै सबैले नोटिस गर्छन् । यस्तो विषयमा ध्यान पुर्याउनुपर्छ ।'
चुनावी दौडमा रहेकी हिलारी पुरुष क्यान्डिडेटहरूको पहिरनको चर्चा कम हुने बताउँछिन् । उनका प्रतिस्पर्धी डोनाल्ड ट्रम्पले सात हजार डलरभन्दा बढी मूल्यको सुट लगाउने उनले बताइन् ।
सामान्य तथा भलाद्मी पोसाक मन पराउने हिलारी शालीन ढंगमा प्रस्तुत हुन्छिन् । प्यान्टसुट उनको मुख्य रोजाइ हो । जर्मनी चान्सलर एन्जेला मर्केलले पनि हिलारीको जस्तै डिजाइन छनोट गरेकी छिन् । विश्लेषकहरू उनीहरूको शैली र प्याट्रन उस्तैउस्तै भएको टिप्पणी गर्छन् ।
प्रतिक्रिया दिनुहोस !
