नायक रवीन्द्र अब निर्माता
काठमाडौंः नेपाली चलचित्र क्षेत्रमा एक दशकदेखि नायकका रूपमा देखा परेका रवीन्द्र थापा अब निर्माता बनेका छन् । १० वर्षको चलचित्र अनुभवपछि उनले आफूलाई निर्माताको पंक्तिमा उभ्याएका हुन् ।
बर्सेनि सयौं चलचित्र निर्माण र दर्जनौं निर्माता बन्ने क्रम जारी रहेका बेला यस क्षेत्रलाई राम्ररी बुझेर निर्माताका रूपमा रवीन्द्र अघि सरेका हुन् । रवीन्द्रले नयाँ चलचित्र ‘अभय’ निर्माण गर्न लागेका हुन् ।
दिनेश पौडेलको लेखन तथा निर्देशन रहने अभयमा रमित ढुंगाना, राजेश ढुंगाना, रवीन्द्र थापा, सिमरन पौडेल, रक्षा गुरागाईं, रामेश्वर बुर्लाकोटीलगायतको भूमिका हुने निर्माता रवीन्द्रले बताए । चलचित्रमा कुमार श्रेष्ठको द्वन्द्व र सुरेश अधिकारीको संगीत रहनेछ ।
प्रतिक्रिया दिनुहोस !
७
