बालुवाटार सरे प्रचण्ड
काठमाडौँः प्रधानमन्त्री पुष्पकमल दाहाल अपराह्न ४ बजे सरकारी निवास बालुवाटार सरेका छन् । प्रधानमन्त्री पदको सपथ लिएर पनि आफ्नै निजी निवास लाजिम्पाटमा बस्दै आएका प्रधानमन्त्री प्रचण्ड बालुवाटार सरेका हुन् ।
प्रधानमन्त्री प्रचण्डलाई प्रधानमन्त्री तथा मन्त्रिपरिषद् कार्यालयका सचिव दीपेन्द्रनाथ शर्मा, प्रधानमन्त्री कार्यालयका कर्मचारी एवम् सुरक्षाकर्मी लगायतले स्वागत गरेका छन् ।
प्रधानमन्त्री दाहालले आफू सबैसँग मिलेर काम गर्ने र एउटै परिवारको सदस्यका रुपमा रहने बताएका छन् ।
यस्तै, प्रधानमन्त्री दाहालले सरकारी निवासमा रहेको सामान नै प्रयोग गर्ने बताउँदै अत्यावश्यक बाहेक अरु कुनै पनि सामान नकिन्न प्रधानमन्त्री कार्यालयका कर्मचारीलाई निर्देशन दिएका छन् ।
प्रतिक्रिया दिनुहोस !
