अन्नपूर्ण र लायन्स क्लवबीच सम्झौता
काठमाडौँ: अन्नपूर्ण मिडिया नेटर्वक र लायन्स क्लव इन्टरनेशनल डिस्टीक ३२५ ए वानबीच मानवीय सेवाका कार्यमा सहकार्य गर्ने सम्झौता भएको छ ।
शुक्रबार राजधानीको याक एन यति होटलमा एक समारोहबीच अन्नपूर्ण र लायन्स क्लवबीच मानवीउ सेवाका सामाजिक कार्यमा सहकार्य गर्ने सम्झौता भएको हो ।
लायन्स क्लवले संचालन गरेका सामाजिक कार्यमा अन्नपूर्ण मिडिया नेटर्वकको समेत सघाउने सम्झौता भएको हो । सम्झौतापत्रमा अन्नपूर्ण मिडिया नेटर्वकका तर्फबाट नेपाल न्यूज नेटर्वक इन्टरनेशनल प्रालिका प्रमुख संचालन अधिकृत हरिप्रकाश गौचन र लायन्स क्लव इन्टरनेशनल डिस्टीक ३२५ ए वान गर्भनर कुमारराज सुवेदीले हस्ताक्षर गरे ।
कार्यक्रममा लायन्स क्लवका इन्टरनेशनल डाइरेक्टर सञ्जय खेतान, विजय कुमार राजुसमेत सहभागी थिए । अन्नपूर्ण मिडिया नेटर्वक अन्तर्गत अन्नपूर्ण पोस्ट राष्ट्रिय दैनिक, एपी वान टेलिभिजन, रेडियो अन्नपूर्ण नेपाल र अनलाइन संकरण अन्नपूर्णपोस्ट डट कम सञ्चालनमा छन् ।
प्रतिक्रिया दिनुहोस !
