जित ६० औं स्थानमा
काठमाडौंः रियो ओलम्पिक अन्तर्गत आर्चरीको पुरुष एकलतर्फ रेङकिङ राउन्डमा नेपालका जित बहादुर मोक्तान ६० औं स्थानमा आएका छन् । जित बहादुरले ६ सय सात अंक जोडे ।
रेङकिङ राउन्डमा जित बहादुरले जिम्बावे, लिबिया, मालवी र टोगाका खेलाडीलाई पछाडि पारे । जित बहादुरले अन्तिम ६४ मा भारतका अतानु दाससँग प्रतिस्पर्धा गर्नेछन् ।
रेङकिङ राउन्डमा दासले पाँचौं स्थान हात पारेका हुन् । दासले रेङकिङ राउन्डमा ६ सय ८३ अंक हात पारे । रेङकिङ राउन्डमा शिर्षस्थान हात पारेका दक्षिण कोरियाका किम र्उ जिनले सात सय अंक जोडेर विश्व कीर्तिमान समेत बनाए ।
रियो ओलम्पिक खेलकुदमा नेपालको यो पहिलो प्रतिस्पर्धा थियो । जित बहादुरले अगष्ट ९ तारिखमा प्रतिस्पर्धा गर्नेछन् । नेपालले ओलम्पिक खेलकुदमा आर्चरीमा प्रतिस्पर्धा गरेको पहिलो पटक हो । जारि ओलम्पिक खेलकुदमा नेपालका सात खेलाडीले विभिन्न खेलमा प्रतिस्पर्धा गर्दैछन् ।
प्रतिक्रिया दिनुहोस !
