प्रधानमन्त्री प्रचण्डलाई श्रीलंकाका प्रधानमन्त्रीको बधाई
काठमाडौँः नवनिर्वाचित प्रधानमन्त्री पुष्पकमल दाहाल ‘प्रचण्ड’लाई श्रीलंकाका प्रधानमन्त्री रनिल विक्रमसिंगेले बधाई र सफल कार्यकालको शुभकामना दिएका छन् ।
शनिबार बिहान टेलिफोन गरेर प्रधानमन्त्री प्रचण्डलाई श्रीलंकाका समकक्षी विक्रमसिंगेले अबको नेतृत्वले नेपालको संविधान कार्यान्वयन र राष्ट्रिय समस्या समाधान गर्ने विश्वास व्यक्त गरे ।
प्रधानमन्त्री प्रचण्डको निजी सचिवालयका अनुसार संविधान कार्यान्वयनपछि देश विकासको बाटो खुल्ने विश्वास समेत श्रीलंकाली प्रधानमन्त्री विक्रमसिंगेले गरेका छन् ।
टेलिफोन कुराकानीमा प्रधानमन्त्री प्रचण्डले अगामी दिनमा नेपाल र श्रीलंकाको सम्बन्ध सुदृढ हुने विश्वास व्यक्त गरेका छन् ।
प्रतिक्रिया दिनुहोस !
