दमौलीः तनहुँ क्यामिन जौबारीमा आमाको हत्या गरी एक युवक फरार छन् । स्थानीय करिब ४२ वर्षका देवबहादुर नेपालीले आमालाई कुटपिट गरी शनिबार राती फरार भएको प्रत्यक्षदर्शीलाई उद्धृत गर्दै प्रहरीले जानकारी दिएको छ ।
कुटपिटपछि छोराले आमालाई लडाएपछि करिब ७५ बर्षीया आमा जुनकिरीको घटनास्थलमै मृत्यु भएको प्रहरी निरीक्षक विजयराज पण्डितले बताए । केही दिनअघि श्रीमतीलाई समेत कुटपिट गरे पछि आमा र छोरा मात्र घरमा बस्दै आएका थिए ।
घटनालगत्तै फरार देवबहादुरको प्रहरीले खोजी गरिरहेको छ । सम्भावित स्थानमा उनको खोजी भइरहेको प्रहरी निरीक्षक पण्डितले बताए । घटनाको केही घण्टापछि आइतबार बिहानै घटनास्थलमा पुगेको प्रहरीले मृतक वृद्धाको शव दमौली अस्पताल ल्याएको छ ।
प्रतिक्रिया दिनुहोस !
