होस्टेलको खानाले अस्पतालका सबै नर्स बिरामी
विर्तामोडः झापाको विर्तामोडस्थित कञ्चनजंघा इन्स्टिच्युट अफ हेल्थ साइन्समा अध्ययनरत तीन दर्जन भन्दा बढी स्टाफ नर्सका विद्यार्थी फुड पोइजनिङका कारण अस्पताल भर्ना गरिएको छ ।
मंगलबार बिहानको राति करीब ३ बजेदेखि उनीहरुलाई बान्ता हुने र झाडा पखाला लागेपछि विर्तामोडस्थित विर्ता सिटी अस्पतालमा भर्ना गरिएको छ । भर्ना हुनेमध्ये केहीको अवस्था गम्भीर रहेको अस्पतालले जानकारी दिएको छ ।
मंगलबार विहानै एकाएक विद्यार्थी अस्पतालमा भर्ना भएपछि अस्पतालको आकस्मिक कक्षमा निकै भीडभाड थियो । विरामी केही छात्रा अस्पतालमै बान्ता गरिरहेका थिए भने केही बारम्बार चर्पी गइरहेका थिए ।
एकैपल्ट त्यतिविघ्न फुड पोइजनिङका विरामी अस्पतालमा भर्ना भएपछि अस्पतालका कर्मचारीलाई सबैलाई स्लाइन चढाउन र औषधिको व्यवस्था गर्न अप्ठ्यारो भइरहेको थियो ।
करीब एकसय जना रहेको कञ्चनजंघा इन्स्टिच्युटको छात्रावासका तीन दर्जन भन्दा बढी छात्रालाई एकैसाथ झाडा बान्ता भएपछि फुड पोइजनिङ भएको आशंका गरिएको थियो । इन्स्टिच्युटका अध्यक्ष ध्रुव शिवाकोटीका अनुसार ५र६ जना विद्यार्थी रातिदेखि नै विरामी परेका थिए । उनले भने, बेलुका सँधै झैं राम्रै खाना खुवाएको हो । केहीले केराउ खाएका थिए ।
उपचारमा संलग्न चिकित्सक डा सुदीप भट्टराईले बासी खानाको कारण उनीहरुमा फुड पोजनिङ भएको हुनसक्ने बताए । उनले भने, ुगर्मीको बेलामा खानामा गडबडी भएको हुनसक्छ ।
उनले विरामी केही छात्राको रक्तचाप स्थिर नभएको र धेरैको झाडा बान्ता अझै नरोकिएको बताए । अस्पताल भर्ना भएकाहरु स्टाफ नर्सका प्रथम, दोस्रो र तेस्रो बर्षका विद्यार्थी हुन् ।
प्रतिक्रिया दिनुहोस !
