नेविसंघको निर्वाचन कार्यतालिका सार्वजनिक
![नेविसंघको निर्वाचन कार्यतालिका सार्वजनिक](https://annapurnapost.prixacdn.net/media/albums/Nebisangh-57ab3c882488d5.14864054_iaQbH8BQxU.jpg)
काठमाडौँः प्रतिनिधि विवादमा अल्झिएको नेपाली कांग्रेस निकट विद्यार्थी संगठन नेपाल विद्यार्थी संघको ११ महाधिवेशनको निर्वाचन कार्यतालिका सार्वजनिक भएको छ । निर्वाचित समितिले बिहीबार मतदाता नामावली प्रकाशित गर्ने प्रवक्ता युपी लामिछानेले जानकारी दिए ।
शुक्रबार उम्मेदवारी दर्ता गर्ने र शनिबार मतदानको कार्यतालिका तय हुने लामिछानेले बताए । साउन २३ गते उद्घाटन भएको महाधिवेशन २५ गते सकिनुपर्ने भए पनि प्रतिनिधि विवादका कारण लम्बिएको हो । मृकुटीमण्डपमा जारी महाधिवेशन निर्धारित समयमा नसकिएपछि अबको निर्वाचन प्रक्रिया कांग्रेस मुख्यालय सानोपामै हुने भएको छ ।
निर्वाचन प्रक्रिया सानेपामा भए पनि प्रतिनिधिलाई सानपिनको व्यवस्था भने विश्वभाषा र बाल्मीकै क्याम्पसमै हुने छ । नेविसंघले महाधिवेशन प्रयोजनका लागि साउन २३ देखि २५सम्म भृकुटीमण्डपको खुला क्षेत्र भाडामा लिएको थियो । उक्त क्षेत्र प्रतिदिन दुई लाख १० हजारका दरले भाडामा लिइएको लामिछानेले जानकारी दिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)