बिना–विभागीय तीन मन्त्रीलाई मन्त्रालय दिइयो
काठमाडौँः तीन बिना–विभागीय मन्त्रीलाई बिहीबार मन्त्रालयको जिम्मेवारी तोकिएको छ ।
केहीदिनअघि दोस्रो पटक विस्तार भएको प्रधानमन्त्री पुष्पकमल दाहाल ‘प्रचण्ड’ नेतृत्वको सरकारले बिना विभागीय मन्त्री दीपक बोहोरालाई आपूर्ति, विक्रम पाण्डेलाई भूमीसुधार र जयदेव जोशीलाई वातावरण मन्त्रालयको जिम्मेवारी दिइएको हो । अन्नपूर्ण अनलाइनसँग कुरा गर्दै आपूर्तिमन्त्री बोहेराले भने, ‘भर्खरै मन्त्रालयको जिम्मेवारी लिएँ ।'
पहिलो चरणको मन्त्रिपरिषद्मै माओवादीका कृष्णबहादुर महरालाई उपप्रधान तथा अर्थमन्त्री र कांग्रेसका बिमलेन्द्र निधिलाई उपप्रधानसहित गृहमन्त्रीको जिम्मेवारी दिइएको थियो । सँगै कांग्रेसका रमेश लेखक भौतिक पूर्वाधार तथा यातायात मन्त्री बने भने माओवादीका गौरीशंकर थारु कृषि र दलजीत श्रीपाली युवा तथा खेलकुद मन्त्री बनेका छन् ।
कांग्रेस र माओवादीकै आन्तरिक विवादका कारण प्रचण्ड नेतृत्वको मन्त्रिपरिषद्ले तत्काल पूर्णता पाउने सम्भावना देखिएको छैन ।
प्रतिक्रिया दिनुहोस !
