हुन्डाइको ‘थ्री एस’ सेन्टर झापाको विर्तामोडमा
काठमाडौँ: नेपालका लागि हुन्डाई गाडीको अधिकृत बिक्रेता लक्ष्मी इन्टरकन्टिनेन्टल प्रालिले झापाको विर्तामोडमा आफ्नो नयाँ ‘थ्री एस’ डिलर संचालनमा ल्याएको छ । सर्भिस सेन्टरको उद्घाटन बिहीबार न्यु अटो प्लाजा कन्सर्न प्रालिकी चन्द्रमाया थापा र लक्ष्मी इन्टर कन्टिनेन्टल प्रालिका कार्यकारी निर्देशक निराकार श्रेष्ठले संयुक्त रुपमा गरे ।
कम्पनीले न्यु अटो प्लाजा कन्सर्न प्रालिसँगको सहकार्यमा विर्तामोडमा हुन्डेको नयाँ ‘थ्री एस’ सेन्टर स्थापना गरेको हो । सेन्टरमा ग्राहकका लागि सुविधा सम्पन्न बिक्री कक्ष कक्ष समेत राखिएको छ । विक्री केन्द्र सँगै सेन्टरमा अत्याधुनिक मर्मत सेवा तथा हुन्डाई जेनुयिन स्पेर पार्टस् खरिद सेवा प्राप्त गर्न सक्ने कम्पनीले जनाएको छ ।
अन्तर्राष्ट्रिय स्तरको यस सोरुममा एकैचोटि ५–६ वटा हुन्डाई ब्रान्डमा सजिएका विभिन्न मोडेलका गाडि अटाउन सक्छन् । ग्राहकको सुविधाका लागि लाउन्ज, परामर्श कोठा तथा तालिम प्राप्त बिक्री परामर्शदाताको व्यवस्था गरिएको कम्पनीले जनाएको छ ।
ग्राहकलाई बिक्रीपछि गुणस्तरीय मर्मतसम्भार सेवा उपलब्ध गराउने उदेश्यसहित संचालनमा ल्याएको सर्भिस सेन्टरमा तालिमप्राप्त दक्ष जनशक्तिकोे व्यवस्था गरिएको छ ।
सेन्टरलाई एयरकन्डिसन तथा वाइफाई युक्त बनाइएको छ । सेन्टरमा पुग्ने ग्राहकले एयरकन्डिसन र वाइफाइका साथ आराम कक्षमा बस्न पाउने छन् । सेन्टरमा पर्याप्त पार्किङको व्यवस्था गरिएको छ भने मासिक ४ सय ५० गाडि मर्मत तथा सर्भिस गर्ने क्षमता छ ।
प्रतिक्रिया दिनुहोस !
