गरिमामा गुड फ्राइडे

आज शुक्रबार । काठमाडौंको कपन क्षेत्रमा हुनुहुन्छ र ‘गुड फ्राइडे' मनाउने सोचमा हुनुहुन्छ भने ‘गरिमा फुडल्यान्ड' तपाईंका लागि उत्तम रोजाइ हुनसक्छ । सुकेधाराबाट नीलो पुल तरेपछि रुद्रमती चोकको बायाँपट्टि किनारमै छ गरिमा फुडल्यान्ड । एकैपटक करिब तीन दर्जन गाडी र त्यति नै मोटरसाइकल पार्किङ गर्नसक्ने क्षमता गरिमाको विशेषता हो ।

खुला स्पेस, ब्याटमिन्टन कोर्टसहित स्वादिलो खानाको स्वाद लिन पाउनु गरिमाको विशेषता हो । करिब १५ जना नियमित ब्याटमिन्टन सदस्य रहेको गरिमा फुडल्यान्डका सञ्चालक भरत शाह बताउँछन् । ५० जना पाहुनाले एकैपटक रेस्टुराँमा बसेर सेवा लिनसक्नु क्याफेको विशेषता हो ।

एकाबिहानै ब्याटमिन्टन खेल्ने आगन्तुकले क्याफेको रौनक बढाउने गरेको छ । गरिमा फुडल्यान्डमा रेस्टुराँसँगै पार्टी प्यालेसको छुट्टै व्यवस्था गरिएको छ ।

सुन्दर, सफा, शान्त र एकान्त रुममा बसेर हाइजेनिक खानाको स्वाद लिँदा अर्कै आनन्द अनुभूति हुने आगन्तुकहरू बताउँछन् । इन्डियन, चाइनिज कन्टिनेन्टलसँगै ठेट नेपाली खानामा सुदूरपश्चिमको डुब्का र फाँडो भातको स्वाद आफूहरूले पस्कने गरेको सञ्चालक शाहले बताए ।

नेपालीमा पनि टिपिकल सुदूरपश्चिमेली स्वाद विशेष रुचाइने र राजधानीको जिब्रोका लागि नयाँ अनुभव हुने गरेको शाहले बताए ।

उसो त एक निमेश बसेर क्याफेको आनन्द लिनेका लागि स्पेसल झोल मम, झानेको मम र फिस मम खास यहाँका परिकार हुन् । त्यस्तै सेकुवा कर्नरको सुविधामा आगोले पोलेको सेकुवा किलोका दरले पस्कनु यहाँको अर्को मौलिकता हो । मटन तास, मटन टाउको, मटन भुटनको स्वाद लिनेको समेत उत्तिकै भीड हुने गरेको छ ।

मलेखुको फिस फ्राई पनि आफूहरूकोमा निकै रुचाइएको परिकारमा पर्ने गरेको सञ्चालक शाहले बताए । यो क्षेत्रमा पारिवारिक रेस्टुराँ नभएकाले रिङरोडका रेस्टुराँमा पुग्ने पाहुनालाई स्थानीय तहमै सेवा दिन गरिमा स्थापना गरिएको सञ्चालक शाहले बताए ।

सानातिना जमघट, राजनीतिक भेटघाट, बर्थ डे पार्टी, सेमिनार, विवाह पार्टी आदिको अभावलाई गरिमा पार्टी प्यालेसले परिपूर्ति गरिरहेको छ ।

नेपाली खानामा, दाल, भात, टिमुरको अचार, दही, मोही, विभिन्न तरकारीका परिकार गरिमाले पस्किने गरिएको छ । इन्डियन विशेषमा रोटी, नानका परिकार, कबाब, बिर्यानी, सिजलर, चप्सीसमेतको स्वाद गरिमा फुडल्यान्डमा बसेर लिन सकिन्छ ।

कपन क्षेत्रमा राजनीतिक भेटघाट, बिहानपखको खेलकुदसँगै जमघटका लागि एउटा जक्सनजस्तै भएको म्यानेजमेन्ट हेरिरहेकी गरिमा शाहले बताइन् । आफूहरूले रेस्टुरेन्टमा सरसफाइ, शान्त वातावरण, शुद्ध खाना र आगन्तुकको गोपनीयतालाई विशेष ध्यान दिएको गरिमाले बताइन् ।

आफूहरूले नियमित पाहुनालाई विशेष छुट कार्डसमेत दिने गरेको गरिमाले जानकारी दिइन् ।