क्विक्स ग्रिनल्यान्ड बास्केटबल भ्याली पब्लिक र भद्रकाली विजयी
काठमाडौंः भ्याली पब्लिक र भद्रकालीले एघारौं क्विक्स ग्रिनल्यान्ड अन्तरविद्यालय बास्केटबल प्रतियोगितामा शनिबार सफलता हात पारेका छन् । सिनियर ब्वाइजको खेलमा भ्यालीले नवजीवनलाई ३७-३२ अंकले हरायो ।
अर्को खेलमा भद्रकालीले ह्वाइट ह्याभेन्टमाथि ३०औ२९ अंकको रोमाञ्चक जित निकाल्यो । भ्यालीको जितमा विनोद नेपालीले १५ स्कोर गरे । भद्रकालीका सुजन महर्जनले सर्वाधिक ११ स्कोर गरे । सिनियर ब्वाइजको अन्य खेलमा गोल्डेनपिक, टीआईए र बीएनएले सफलता हात पारे ।
धापासीस्थित ग्रिनल्यान्ड स्कुुलको कोर्टमा भएको जुनियर ब्वाइजको खेलमा सामाखुसी बोर्डिङ स्कुल (सेब)ले ग्रिनफिल्डलाई २०–१४ अंकले हरायो ।
सेबको लगातार दोस्रो जितका लागि रवि शर्माले पुनः सर्वाधिक आठ स्कोर गरे । जुनियर ब्वाइजको अर्को खेलमा भ्याली पब्लिकले न्यु समिटलाई २२-१२ अंकले हरायो ।
भ्याली पब्लिकको जितमा लक्ष्मण परियारले ११ स्कोर गरे । जुनियरतर्फ नेरिकले पनि सफलता हात पार्यो ।
प्रतिक्रिया दिनुहोस !
