प्रिमियर लिग फुटबलमा म्यानचेस्टर युनाइटेडको विजयी सुरुवात
लण्डन: म्यानचेस्टर युनाइटेडले प्रिमियर लिग फुटबलमा सुखद सुरुवात गरेको छ। गएराति भएको खेलमा बर्नमाउथलाई ३–१ गोल अन्तरले पराजित गर्दै म्यानचेस्टर युनाइटेडले विजयी सुरुवात गरेको हो।
जोजे माउरिन्होले टिम सम्हालेपछि प्रिमियर लिग फुटबलको पहिलो खेलमा मैदान उत्रिएको म्यानचेस्टर युनाइटेडले पहिलो खेलमा सहज जित दर्ता गरेको हो।
म्यानचेस्टरका लागि खेलको ४० औं मिनेटमा माटाले गोल गर्दै सुरुवाती अग्रता दिलाए। पहिलो हाफमा १–० ले अघि रहेको युनाइटेडका लागि खेलको ५९ औं मिनेटमा कप्तान वाइन रुनीले गोल गर्दै अग्रता दोब्बर पारे।
यस्तै खेलको ६४ औं मिनेटमा भेट्रान स्ट्राइकर जाल्टन इब्राहिमोभिचले गोल गर्दै टोलीको अग्रता ३–० को स्थितिमा पुर्याए। तर, खेलको ६९ औं मिनेटमा बर्नमाउथका लागि स्मिथले सान्तोना गोल फर्काए।
प्रतिक्रिया दिनुहोस !
