प्रिमियर लिग फुटबलमा चेल्सीको विजयी सुरुवात
लण्डनः इंग्लिस प्रिमियर लिग फुटबलमा चेल्सीले विजयी सुरुवात गरेको छ। गएराति स्टामफोर्ड व्रिजमा भएको खेलमा चेल्सीले वेष्टह्याम युनाइटेडलाई २–१ गोल अन्तरले पराजित गर्दै लिगमा विजयी सुरुवात गरेको हो।
पहिलो हाफ गोलरहित बराबरीमा रोकिएको चेल्सीले खेलको ४७ औं मिनेटमा हाजार्डको गोलबाट अग्रता सुरुवाती अग्रता लिएको थियो। तर खेलको ७७ औं मिनेटमा वेष्ट ह्यामका लागि जेम्स कोलिन्सले गोल गर्दै खेल १–१ गोलको बराबरीमा ल्याए।
निर्धारित ९० मिनेटको खेल सकिन एक मिनेट बाँकी छँदा डिएगो कोष्टाले गोल गर्दै चेल्सीलाई तीन अंक दिलाए। प्रशिक्षकको रुपमा एन्टोनियो कोन्टे नियुक्त भएपछि चेल्सीले प्रिमियर लिग फुटबलको पहिलो खेलमा जित दर्ता गर्दै प्रतियोगितामा सुखद सुरुवात गरेको हो।
प्रतिक्रिया दिनुहोस !
