पश्चिमा शक्तिको निर्देशनमा भारतीय मिडिया
एजेन्सीः चीनका सरकारी सञ्चारमाध्यमले भारत र चीनबीचको द्विपक्षीय सम्बन्ध भारतीय मिडियाले बिगारेको बताएका छन् । दुई देशबीच मतभेद रहेको भन्दै चीनको विरोधमा नकारात्मक फैलाउन भारतीय सञ्चारमाध्यम जिम्मेवार रहेको चिनियाँ सञ्चारमाध्यमले खुलासा गरेका हुन् ।
पश्चिमी शक्तिले चाहेअनुरूप भारतीय सञ्चारमाध्यम प्रयोग भएको दाबी गर्दै दुवै देशका मिडिया सजग हुनुपर्ने चीनको भनाइ छ । चिनियाँ समाचारपत्र ‘ग्लोबल टाइम्स’ले चिनियाँ विदेशमन्त्री वाङ यी शुक्रबार भारत भ्रमणमा रहेका बेला पनि यस्तै समाचार आएको उल्लेख गरेको छ ।
उनको भारत भ्रमणका बेला आगामी जी–२० एवं ब्रिक्स शिखर सम्मेलन र आपसी सहयोगका बारेमा छलफल भएको विषयलाई भारतीय सञ्चारमाध्यमले बंग्याएको उसको भनाइ छ ।
भारतीय सञ्चारमाध्यमले यस समाचारलाई ‘भारतको एनएसजीको सदस्यता चीनले रोकेको, हाल दक्षिण चीन सागरमा भारतीय सहयोग खोजेको’ जस्ता भड्काउ शैलीमा प्रस्तुत गरेको भन्दै असन्तुष्टि व्यक्त गरेको छ ।
भारतीय मिडियाले जनतालाई चीनप्रति नकारात्मक बनाउने समाचार दिने गरेको उसको भनाइ छ । भारत सरकारले गरेको प्रयास भने सह्रानीय भएको बताइएको छ ।
प्रतिक्रिया दिनुहोस !
