सिंघानिया हत्याका अभियुक्त यादवलाई पुर्पक्षका लागि थुनामा राख्न आदेश
धनुषाः सञ्चार उद्यमी अरुण सिंघानियाको हत्याका प्रमुख योजनाकार विनोद यादवलाई पुर्पक्षका लागि थुनामा राख्न अदालतले आदेश दिएको छ।
जिल्ला अदालत धनुषामा आफै उपस्थित भएर आतमसमर्पण गरेका यादवलाई अनुसन्धानका लागि पुर्पक्षमा राख्न अदालतले मंगलबार आदेश दिएको हो। यादवलाई पुर्पक्षका लागि जलेश्वरस्थित जेलमा थुनामा राख्न प्रहरीलाई आदेश दिएको हो।
सिंघानियाको हत्याका प्रमुख योजनाकार यादव मंगलबार जिल्ला अदालत धनुषासमक्ष आफै उपस्थित भएर आत्मसमर्पण गरेका थिए। सिंघानियाको हत्या लगत्तै फरार रहेका यादवलाई प्रहरीले मोस्ट वान्टेडको सूचीमा राखेर खोजी गरिरहेको थियो।
मूख्य योजनाकार यादव सिंघानियाको हत्या भएको तीन वर्षपछि आफै अदालतमा उपस्थित भएर आत्मसमर्पण गरेका हुन्।
प्रतिक्रिया दिनुहोस !
